aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

be-tabi-e-dil ne zar-pa kar

Wazir Ali Saba Lakhnavi

be-tabi-e-dil ne zar-pa kar

Wazir Ali Saba Lakhnavi

MORE BYWazir Ali Saba Lakhnavi

    be-tābi-e-dil ne zār-pā kar

    de de paTkā uThā uThā kar

    ghar meñ da.avā na husn kar

    yūsuf se nikal ke sāmnā kar

    zulfoñ ko na chhoḌ baḌhā kar

    nāzuk hai giregā jhoñk khā kar

    baiThe jo vo shab naqāb uThā kar

    bujhne lagī sham.a jhilmilā kar

    barbād na kar aabrū ko

    mānind-e-habāb sar uThā kar

    us gul mizha ne maar Daalā

    kāñTe tarah sukhā sukhā kar

    be-tābi-e-dil agar dikhā.ūñ

    bijlī rah jaa.e tilmilā kar

    saffāk ne band band kaaTā

    choTeñ mārīñ jhukā jhukā kar

    allāh re sozish-e-dil ai yaar

    maarā kis aag meñ jalā kar

    paire koī ḳhaak bahr-e-ġham meñ

    āḳhir Duubā maiñ Dhab-Dhabā kar

    phabtī kahtī haiñ abr-e-tar ke

    achchhī sūjhī mujhe rulā kar

    vo mast haiñ arsh par Tike haath

    nashe meñ gire jo laḌkhaḌā kar

    gard-e-ġham ne zamīñ jhakā.ī

    chhoḌā mujhe ḳhaak meñ milā kar

    bose ke savāl par vo bigḌe

    muñh khaa.ī zabāñ hilā kar

    naala koī ban paḌā jo ham se

    aflāk ko rakh diyā miTā kar

    ḳhauf-e-dozaḳh se kāñptā huuñ

    saaqī mujhe jaam de tapā kar

    vo naza.a meñ haal sun ke ro.e

    kaam aa.ī zabāñ laḌkhaḌā kar

    qissa dil se uThā duī

    parchhā ho jaa.e faisla kar

    jab kuuch kiyā 'sabā' adam ko

    rah jā.eñge yaar ḳhaak uḌā kar

    be-tabi-e-dil ne zar-pa kar

    de de paTka uTha uTha kar

    ghar mein dawa na husn ka kar

    yusuf se nikal ke samna kar

    zulfon ko na chhoD tu baDha kar

    nazuk hai girega jhonk kha kar

    baiThe jo wo shab naqab uTha kar

    bujhne lagi shama jhilmila kar

    barbaad na kar tu aabru ko

    manind-e-habab sar uTha kar

    us gul ki mizha ne mar Dala

    kanTe ki tarah sukha sukha kar

    be-tabi-e-dil agar dikhaun

    bijli rah jae tilmila kar

    saffak ne band band kaTa

    choTen marin jhuka jhuka kar

    allah re sozish-e-dil ai yar

    mara kis aag mein jala kar

    paire koi KHak bahr-e-gham mein

    aaKHir Duba main Dhab-Dhaba kar

    phabti kahti hain abr-e-tar ke

    achchhi sujhi mujhe rula kar

    wo mast hain arsh par Tike hath

    nashe mein gire jo laDkhaDa kar

    gard-e-gham ne zamin jhakai

    chhoDa mujhe KHak mein mila kar

    bose ke sawal par wo bigDe

    munh ki khai zaban hila kar

    nala koi ban paDa jo hum se

    aflak ko rakh diya miTa kar

    KHauf-e-dozaKH se kanpta hun

    saqi mujhe jam de tapa kar

    wo naza mein haal sun ke roe

    kaam aai zaban laDkhaDa kar

    qissa dil se uTha dui ka

    parchha ho jae faisla kar

    jab kuch kiya 'saba' adam ko

    rah jaenge yar KHak uDa kar

    Source:

    Ghuncha-e-Arzu (Pg. 63)

    • Author: Wazir Ali Saba Lakhnavi
      • Edition: 1856
      • Publisher: Matba Mohammadi, Lucnow
      • Year of Publication: 1856
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now