be-wajh nain hai aaina har bar dekhna

be-vaj.h na.iiñ hai aa.ina har baar dekhnā

koī dam ko phūltā hai ye gulzār dekhnā

nargis kī tarah ḳhaak merī ugeñ haiñ chashm

Tuk aan ke ye hasrat-e-dīdār dekhnā

khīñche to teġh hai haram-e-dil ke said par

ai ishq par bhalā tū mujhe maar dekhnā

hai naqs-e-jān diid tirā par yahī hai dhun

jī jaao yaar ho mujhe yak-bār dekhnā

ai tifl-e-ashk hai falak-e-haftamīñ pa arsh

aage qadam na rakhiyo tū zinhār dekhnā

pūchhe ḳhudā sabab jo mire ishtiyāq kā

merī zabāñ se ho yahī iz.hār dekhnā

har naqsh-e-pā pe taḌpe hai yaaro har ek dil

Tuk vāste ḳhudā ke ye raftār dekhnā

kartā to hai tū aan ke 'saudā' se iḳhtilāt

koī lahr aa ga.ī to mire yaar dekhnā

tujh bin ajab ma.āsh hai 'saudā' kā in dinoñ

tū bhī Tuk us ko jā ke sitamgār dekhnā

ne harf o ne hikāyat o ne sher o ne suḳhan

ne sair-e-bāġh o ne gul-o-gulzār dekhnā

ḳhāmosh apne kalba-e-ahzāñ meñ roz o shab

tanhā paḌe hue dar-o-dīvār dekhnā

yā jā ke us galī meñ jahāñ thā tirā guzar

le sub.h tā-ba-shām ka.ī baar dekhnā

taskīn-e-dil na is meñ bhī paa.ī to bahr-e-shaġhl

paḌhnā ye sher gar kabhū ash.ār dekhnā

kahte the ham na dekh sakeñ roz-e-hijr ko

par jo ḳhudā dikhā.e so nā-chār dekhnā

be-wajh nain hai aaina har bar dekhna

koi dam ko phulta hai ye gulzar dekhna

nargis ki tarah KHak meri ugen hain chashm

Tuk aan ke ye hasrat-e-didar dekhna

khinche to tegh hai haram-e-dil ke said par

ai ishq par bhala tu mujhe mar dekhna

hai naqs-e-jaan did tera par yahi hai dhun

ji jao yar ho mujhe yak-bar dekhna

ai tifl-e-ashk hai falak-e-haftamin pa arsh

aage qadam na rakhiyo tu zinhaar dekhna

puchhe KHuda sabab jo mere ishtiyaq ka

meri zaban se ho yahi izhaar dekhna

har naqsh-e-pa pe taDpe hai yaro har ek dil

Tuk waste KHuda ke ye raftar dekhna

karta to hai tu aan ke 'sauda' se iKHtilat

koi lahr aa gai to mere yar dekhna

tujh bin ajab maash hai 'sauda' ka in dinon

tu bhi Tuk us ko ja ke sitamgar dekhna

ne harf o ne hikayat o ne sher o ne suKHan

ne sair-e-bagh o ne gul-o-gulzar dekhna

KHamosh apne kalba-e-ahzan mein roz o shab

tanha paDe hue dar-o-diwar dekhna

ya ja ke us gali mein jahan tha tera guzar

le subh ta-ba-sham kai bar dekhna

taskin-e-dil na is mein bhi pai to bahr-e-shaghl

paDhna ye sher gar kabhu ashaar dekhna

kahte the hum na dekh saken roz-e-hijr ko

par jo KHuda dikhae so na-chaar dekhna