bechain jo rakhti hai tumhein chah kisu ki

bechain jo rakhtī hai tumheñ chaah kisū kī

shāyad ki huī kārgar ab aah kisū kī

us chashm kā ġhamza jo kare qatl-e-do-ālam

goshe ko nigah ke nahīñ parvāh kisū kī

zulfoñ kī siyāhī meñ kuchh ik daam the apne

qismat ki huī raat vo tanḳhvāh kisū kī

kyā masraf-e-bejā se falak ko hai sarokār

vo shai kisū ko de jo ho dil-ḳhvāh kisū kī

duniyā se guzarnā hī ajab kuchh hai ki jis meñ

koī na kabhū rok sake raah kisū kī

chhīne se ġham-e-ishq shakebā.ī o ārām

ai dil ye paḌī luTtī hai buñgāh kisū kī

bechain jo rakhti hai tumhein chah kisu ki

shayad ki hui kargar ab aah kisu ki

us chashm ka ghamza jo kare qatl-e-do-alam

goshe ko nigah ke nahin parwah kisu ki

zulfon ki siyahi mein kuchh ek dam the apne

qismat ki hui raat wo tanKHwah kisu ki

kya masraf-e-beja se falak ko hai sarokar

wo shai kisu ko de jo ho dil-KHwah kisu ki

duniya se guzarna hi ajab kuchh hai ki jis mein

koi na kabhu rok sake rah kisu ki

chhine se gham-e-ishq shakebai o aaram

ai dil ye paDi luTti hai bungah kisu ki