bechte kya ho miyan aan ke bazar ke bich
bechte kyā ho miyāñ aan ke bāzār ke biich
aur anā kaahe ko rakh chhoḌī hai bevpār ke biich
us ghaḌī 'adl kī zanjīr kahāñ hotī hai
jab kanīzoñ ko chunā jaatā hai dīvār ke biich
shahr hotā hai sitāroñ ke lahū se raushan
tasht meñ sar bhī paḌe hote haiñ darbār ke biich
kabhī us raah meñ phal-phūl lagā karte the
ab lahū kāTte haiñ kābul-o-qandhār ke biich
karb ke vāste maujūd hai duniyā-e-bahisht
sach mu'allaq hai abhī ātish-o-gulzār ke biich
raakh baiThegī to phir aag ravāna hogī
jaane kab se jo dahaktī rahī kohsār ke biich
shaam utartī hai to 'vājid' maiñ yahī sochtā huuñ
aaj kā din bhī gayā yādoñ ke ambār ke biich
bechte kya ho miyan aan ke bazar ke bich
aur ana kahe ko rakh chhoDi hai bewpar ke bich
us ghaDi 'adl ki zanjir kahan hoti hai
jab kanizon ko chuna jata hai diwar ke bich
shahr hota hai sitaron ke lahu se raushan
tasht mein sar bhi paDe hote hain darbar ke bich
kabhi us rah mein phal-phul laga karte the
ab lahu kaTte hain kabul-o-qandhaar ke bich
karb ke waste maujud hai duniya-e-bahisht
sach mu'allaq hai abhi aatish-o-gulzar ke bich
rakh baiThegi to phir aag rawana hogi
jaane kab se jo dahakti rahi kohsar ke bich
sham utarti hai to 'wajid' main yahi sochta hun
aaj ka din bhi gaya yaadon ke ambar ke bich
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
