aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

betab rahen hijr mein kuchh dil to nahin hum

Bekhud Dehlvi

betab rahen hijr mein kuchh dil to nahin hum

Bekhud Dehlvi

MORE BYBekhud Dehlvi

    betāb raheñ hijr meñ kuchh dil to nahīñ ham

    taḌpeñ jo tujhe dekh ke bismil to nahīñ ham

    haiñ yaad bahut makr o fareb aise hameñ bhī

    muTThī meñ jo aa jaa.eñ tirī dil to nahīñ ham

    ab aap koī kaam sikhā dījiye ham ko

    ma.alūm huā ishq ke qābil to nahīñ ham

    kahne ko vafādār tumheñ laakh meñ kah deñ

    dil se magar is baat ke qaa.il to nahīñ ham

    kyuuñ ḳhizr ke pairav hoñ tirī rāh-e-talab meñ

    āvāra o gum-karda-e-manzil to nahīñ ham

    kahte haiñ tamannā-e-shahādat ko vo sun kar

    kyuuñ qatl kareñ aap ko qātil to nahīñ ham

    haiñ dil meñ agar tālib-e-dīdār tumheñ kyā

    kuchh tum se kisī baat ke saa.il to nahīñ ham

    vo pūchhte haiñ mujh se ye mazmūñ to nayā hai

    terī tarah se kahīñ be-dil to nahīñ ham

    ham jaate haiñ hazrat-e-dil aap sidhāreñ

    jā.eñge ab us bazm meñ shāmil to nahīñ ham

    in āñkhoñ se ham ne bhī to dekhā hai zamāna

    ham se na kaho ġhair pe maa.il to nahīñ ham

    marne ke liye vaqt koī taak rahe haiñ

    is kaam ko samjhe abhī mushkil to nahīñ ham

    kahte haiñ tujhe dekh ke aatā hai hameñ rashk

    baiThe hue dushman ke muqābil to nahīñ ham

    har saañs meñ rahtā hai tirī yaad khaTkā

    'beḳhud' haiñ to hoñ kaam se ġhāfil to nahīñ ham

    betab rahen hijr mein kuchh dil to nahin hum

    taDpen jo tujhe dekh ke bismil to nahin hum

    hain yaad bahut makr o fareb aise hamein bhi

    muTThi mein jo aa jaen teri dil to nahin hum

    ab aap koi kaam sikha dijiye hum ko

    malum hua ishq ke qabil to nahin hum

    kahne ko wafadar tumhein lakh mein kah den

    dil se magar is baat ke qail to nahin hum

    kyun KHizr ke pairaw hon teri rah-e-talab mein

    aawara o gum-karda-e-manzil to nahin hum

    kahte hain tamanna-e-shahadat ko wo sun kar

    kyun qatl karen aap ko qatil to nahin hum

    hain dil mein agar talib-e-didar tumhein kya

    kuchh tum se kisi baat ke sail to nahin hum

    wo puchhte hain mujh se ye mazmun to naya hai

    teri hi tarah se kahin be-dil to nahin hum

    hum jate hain ya hazrat-e-dil aap sidhaaren

    jaenge ab us bazm mein shamil to nahin hum

    in aankhon se hum ne bhi to dekha hai zamana

    hum se na kaho ghair pe mail to nahin hum

    marne ke liye waqt koi tak rahe hain

    is kaam ko samjhe abhi mushkil to nahin hum

    kahte hain tujhe dekh ke aata hai hamein rashk

    baiThe hue dushman ke muqabil to nahin hum

    har sans mein rahta hai teri yaad ka khaTka

    'beKHud' hain to hon kaam se ghafil to nahin hum

    RECITATIONS

    Nomaan Shauque

    Nomaan Shauque,

    Nomaan Shauque

    betab rahen hijr mein kuchh dil to nahin hum Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now