bhaTak jate hain rahbar rahbari mein
bhaTak jaate haiñ rahbar rahbarī meñ
kuchh aisī manzileñ haiñ zindagī meñ
patā kaise mile us lāpata kā
jo gum rahtā ho apne aap hī meñ
ḳhabar-dār ai mirī vahshat ḳhabar-dār
koī laġhzish na ho dīvāngī meñ
na yūñhī be-ḳhudī meñ gum hai koī
nihāñ rāz-e-ḳhudī hai be-ḳhudī meñ
farishte bhī samajhne se haiñ qāsir
bashar kyā hai libās-e-ādmī meñ
tumheñ hai raushnī par naaz lekin
nihāñ hai tīrgī bhī raushnī meñ
hasīñ taḳh.īl kī paikar-tarāshī
na ho 'kausar' to kyā hai shā.erī meñ
bhaTak jate hain rahbar rahbari mein
kuchh aisi manzilen hain zindagi mein
pata kaise mile us lapata ka
jo gum rahta ho apne aap hi mein
KHabar-dar ai meri wahshat KHabar-dar
koi laghzish na ho diwangi mein
na yunhi be-KHudi mein gum hai koi
nihan raaz-e-KHudi hai be-KHudi mein
farishte bhi samajhne se hain qasir
bashar kya hai libas-e-admi mein
tumhein hai raushni par naz lekin
nihan hai tirgi bhi raushni mein
hasin taKHil ki paikar-tarashi
na ho 'kausar' to kya hai shaeri mein
Source:
Junoon Ki Aagahi (Pg. 112)
- Author: Kausar Siwani
-
- Edition: 2012
- Publisher: Arshia Publications
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
