bichhaDte damanon mein phul ki kuchh pattiyan rakh do
bichhaḌte dāmanoñ meñ phuul kī kuchh pattiyāñ rakh do
ta.alluq kī girāñbārī meñ thoḌī narmiyāñ rakh do
bhaTak jaatī haiñ tum se duur chehroñ ke ta.āqub meñ
jo tum chāho mirī āñkhoñ pe apnī uñgliyāñ rakh do
baraste bādaloñ se ghar kā āñgan Duub to jaa.e
abhī kuchh der kāġhaz kī banī ye kashtiyāñ rakh do
dhuāñ cigarette kā botal kā nasha sab dushman-e-jāñ haiñ
koī kahtā hai apne haath se ye talḳhiyāñ rakh do
bahut achchhā hai yaaro mahfiloñ meñ TuuT kar milnā
koī baḌhtī huī duurī bhī apne darmiyāñ rakh do
nuqūsh-e-ḳhāl-o-ḳhad meñ dil-navāzī kī adā kam hai
hijāb-āmez āñkhoñ meñ bhī thoḌī shoḳhiyāñ rakh do
hamīñ par ḳhatm kyuuñ ho dāstān-e-ḳhāna-vīrānī
jo ghar sahrā nazar aa.e to us meñ bijliyāñ rakh do
bichhaDte damanon mein phul ki kuchh pattiyan rakh do
talluq ki giranbari mein thoDi narmiyan rakh do
bhaTak jati hain tum se dur chehron ke taaqub mein
jo tum chaho meri aankhon pe apni ungliyan rakh do
baraste baadalon se ghar ka aangan Dub to jae
abhi kuchh der kaghaz ki bani ye kashtiyan rakh do
dhuan cigarette ka botal ka nasha sab dushman-e-jaan hain
koi kahta hai apne hath se ye talKHiyan rakh do
bahut achchha hai yaro mahfilon mein TuT kar milna
koi baDhti hui duri bhi apne darmiyan rakh do
nuqush-e-KHal-o-KHad mein dil-nawazi ki ada kam hai
hijab-amez aankhon mein bhi thoDi shoKHiyan rakh do
hamin par KHatm kyun ho dastan-e-KHana-virani
jo ghar sahra nazar aae to us mein bijliyan rakh do
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
