bimar-e-gham ka koi mudawa na kijiye

bīmār-e-ġham kā koī mudāvā na kījiye

ya.anī sitamgarī bhī gavārā na kījiye

rusvā.ī hai to ye bhī gavārā na kījiye

ya.anī pas-e-ḳhayāl bhī aayā na kījiye

zarf-e-nigāh chāhiye dīdār ke liye

ruḳh ko pas-e-naqāb chhupāyā na kījiye

dil shauq se jalā.iye inkār hai kise

lekin jalā jalā ke bujhāyā na kījiye

parda nigāh kā hai to kaisī ḳhusūsiyat

apnī nigāh-e-nāz se pardā na kījiye

kal ġhair kī galī meñ qayāmat kā zikr thā

sharmā.iye huzūr bahānā na kījiye

bas aap kā sitam hī karam hai mire liye

lillāh ġhair se mujhe pūchhā na kījiye

pābanda-e-vafā hai to phir mudda.ā se kaam

mar jā.iye kisī kī tamannā na kījiye

'tālib' hadīs-e-ishq tavajjoh talab sahī

yuuñ dāstāñ banā ke sunāyā na kījiye

bimar-e-gham ka koi mudawa na kijiye

yani sitamgari bhi gawara na kijiye

ruswai hai to ye bhi gawara na kijiye

yani pas-e-KHayal bhi aaya na kijiye

zarf-e-nigah chahiye didar ke liye

ruKH ko pas-e-naqab chhupaya na kijiye

dil shauq se jalaiye inkar hai kise

lekin jala jala ke bujhaya na kijiye

parda nigah ka hai to kaisi KHususiyat

apni nigah-e-naz se parda na kijiye

kal ghair ki gali mein qayamat ka zikr tha

sharmaiye huzur bahana na kijiye

bas aap ka sitam hi karam hai mere liye

lillah ghair se mujhe puchha na kijiye

pabanda-e-wafa hai to phir muddaa se kaam

mar jaiye kisi ki tamanna na kijiye

'talib' hadis-e-ishq tawajjoh talab sahi

yun dastan bana ke sunaya na kijiye