bistar bichha ke raat wo kamre mein so gaya
bistar bichhā ke raat vo kamre meñ so gayā
sabze pe mausamoñ kā lahū ḳhushk ho gayā
gum-nām din kī pichhlī qatāroñ kā fāsla
āvāz kī hadoñ se bahut duur ho gayā
baa.eñ taraf ke rāste sāñsoñ meñ baT ga.e
agle qadam kī chaap pe vo ḳhuun ro gayā
sūraj kā zulm sar ko jhulastā rahā magar
din dhuup ke athāh samundar ko Dho gayā
saḌkoñ kī bhiiḌ khā ga.ī pahchān fard kī
sochoñ kā shor shakl kī raunaq ko ro gayā
har ghar ke rāste meñ nadī aa khaḌī huī
har rāsta na jaane kahāñ jā ke kho gayā
in pāniyoñ ke bhed koī jāntā nahīñ
vāpas kabhī na lauT sakā in meñ jo gayā
bistar bichha ke raat wo kamre mein so gaya
sabze pe mausamon ka lahu KHushk ho gaya
gum-nam din ki pichhli qataron ka fasla
aawaz ki hadon se bahut dur ho gaya
baen taraf ke raste sanson mein baT gae
agle qadam ki chap pe wo KHun ro gaya
suraj ka zulm sar ko jhulasta raha magar
din dhup ke athah samundar ko Dho gaya
saDkon ki bhiD kha gai pahchan fard ki
sochon ka shor shakl ki raunaq ko ro gaya
har ghar ke raste mein nadi aa khaDi hui
har rasta na jaane kahan ja ke kho gaya
in paniyon ke bhed koi jaanta nahin
wapas kabhi na lauT saka in mein jo gaya
Source:
Shab Khoon(Shumara Number-053) (Pg. ebook-54 page-52)
-
- Edition: 1970
- Publisher: Asrar Karimi Press, Allahabad
- Year of Publication: 1970
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
