aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bulbul gulon se dekh ke tujhko bigaD gaya

Haidar Ali Aatish

bulbul gulon se dekh ke tujhko bigaD gaya

Haidar Ali Aatish

MORE BYHaidar Ali Aatish

    bulbul guloñ se dekh ke tujh ko bigaḌ gayā

    qumrī tauq sarv gardan meñ paḌ gayā

    chīñ-bar-jabīñ na ai but-e-chīñ rah ġhurūr se

    tasvīr hai aib jo chehra bigaḌ gayā

    aa.ī to hai pasand use chaal yaar

    sun liijo paañv kabk-e-darī ukhaḌ gayā

    pīchhe haTā na kūcha-e-qātil se apnā paañv

    sar se taḌap ke chaar qadam aage dhaḌ gayā

    khīñchī jo merī tarah se qumrī ne āh-e-sard

    jaaḌe ke maare sarv chaman meñ akaḌ gayā

    shīrīñ ke shefta hue parvez-o-kohkan

    shā.ir huuñ maiñ ye kahtā huuñ mazmūn laḌ gayā

    allāh-re shauq apnī jabīñ ko ḳhabar nahīñ

    us but ke āstāne patthar ragaḌ gayā

    darmāñ se aur dard hamārā huā do-chand

    marham se daaġh siine meñ nāsūr paḌ gayā

    guldasta ban ke raunaq-e-bazm-e-shahāñ huā

    kuuḌā jo us faqīr ke takiye se jhaḌ gayā

    niklā na jism se dil-e-nālāñ sharīk-e-rūh

    manzil meñ rañg naaqa se apne bichhaḌ gayā

    pahuñchā majāz se jo haqīqat kunah ko

    ye jaan le ki rāste meñ pher paḌ gayā

    furqat shab meñ ziist ne apnī vafā na

    qabl-e-sahar charāġh hamārā na baḌh gayā

    paatā huuñ shauq-e-vasl meñ ahbāb kamī

    husn-o-jamāl-e-yār meñ kuchh farq paḌ gayā

    lāshoñ ko āshiqoñ ke na uThvā galī se yaar

    basne phir ye gaañv nahīñ jab ujaḌ gayā

    dekhā tujhe jo ḳhūn-e-shahīdāñ se surḳh-posh

    turk-e-falak zamīñ meñ ḳhajālat se gaḌ gayā

    barsoñ raah aa ke azīzāñ nikal ga.e

    afsos kārvāñ se maiñ apne bichhaḌ gayā

    aayā jo sharh-e-la.al-e-lab-e-yār ḳhayāl

    jhanDā qalam apne badaḳhshāñ meñ gaḌ gayā

    maiñ nai liyā baġhal meñ parī-rū visāl ko

    dev-e-firāq kashtī meñ mujh se bichhaḌ gayā

    'ātish' na pūchh haal mujh dard-mand

    siine meñ daaġh daaġh meñ nāsūr paḌ gayā

    bulbul gulon se dekh ke tujh ko bigaD gaya

    qumri ka tauq sarw ki gardan mein paD gaya

    chin-bar-jabin na ai but-e-chin rah ghurur se

    taswir ka hai aib jo chehra bigaD gaya

    aai to hai pasand use chaal yar ki

    sun lijo panw kabk-e-dari ka ukhaD gaya

    pichhe haTa na kucha-e-qatil se apna panw

    sar se taDap ke chaar qadam aage dhaD gaya

    khinchi jo meri tarah se qumri ne aah-e-sard

    jaDe ke mare sarw chaman mein akaD gaya

    shirin ke shefta hue parwez-o-kohkan

    shair hun main ye kahta hun mazmun laD gaya

    allah-re shauq apni jabin ko KHabar nahin

    us but ke aastane ka patthar ragaD gaya

    darman se aur dard hamara hua do-chand

    marham se dagh sine mein nasur paD gaya

    guldasta ban ke raunaq-e-bazm-e-shahan hua

    kuDa jo us faqir ke takiye se jhaD gaya

    nikla na jism se dil-e-nalan sharik-e-ruh

    manzil mein rang naqa se apne bichhaD gaya

    pahuncha majaz se jo haqiqat ki kunah ko

    ye jaan le ki raste mein pher paD gaya

    furqat ki shab mein zist ne apni wafa na ki

    qabl-e-sahar charagh hamara na baDh gaya

    pata hun shauq-e-wasl mein ahbab ki kami

    husn-o-jamal-e-yar mein kuchh farq paD gaya

    lashon ko aashiqon ke na uThwa gali se yar

    basne ka phir ye ganw nahin jab ujaD gaya

    dekha tujhe jo KHun-e-shahidan se surKH-posh

    turk-e-falak zamin mein KHajalat se gaD gaya

    barson ki rah aa ke azizan nikal gae

    afsos karwan se main apne bichhaD gaya

    aaya jo sharh-e-lal-e-lab-e-yar ka KHayal

    jhanDa qalam ka apne badaKHshan mein gaD gaya

    main nai liya baghal mein pari-ru visal ko

    dew-e-firaq kashti mein mujh se bichhaD gaya

    'atish' na puchh haal tu mujh dard-mand ka

    sine mein dagh dagh mein nasur paD gaya

    Source:

    Kulliyat-e-Khwaja Haidar Ali Aatish (Pg. 23)

    • Author: Haidar Ali Aatish
      • Publisher: Munshi Nawal Kishor, Lucknow
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now