aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

چلو باد بہاری جا رہی ہے

جون ایلیا

چلو باد بہاری جا رہی ہے

جون ایلیا

MORE BYجون ایلیا

    چلو باد بہاری جا رہی ہے

    پیا جی کی سواری جا رہی ہے

    شمال جاودان سبز جاں سے

    تمنا کی عماری جا رہی ہے

    فغاں اے دشمن دار دل و جاں

    مری حالت سدھاری جا رہی ہے

    ہے پہلو میں ٹکے کی اک حسینہ

    تری فرقت گزاری جا رہی ہے

    جو ان روزوں مرا غم ہے وہ یہ ہے

    کہ غم سے بردباری جا رہی ہے

    ہے سینے میں عجب اک حشر برپا

    کہ دل سے بے قراری جا رہی ہے

    میں پیہم ہار کر یہ سوچتا ہوں

    وہ کیا شے ہے جو ہاری جا رہی ہے

    دل اس کے رو بہ رو ہے اور گم صم

    کوئی عرضی گزاری جا رہی ہے

    وہ سید بچہ ہو اور شیخ کے ساتھ

    میاں عزت ہماری جا رہی ہے

    ہے برپا ہر گلی میں شور نغمہ

    مری فریاد ماری جا رہی ہے

    وہ یاد اب ہو رہی ہے دل سے رخصت

    میاں پیاروں کی پیاری جا رہی ہے

    دریغا تیری نزدیکی میاں جان

    تری دوری پہ واری جا رہی ہے

    بہت بد حال ہیں بستی ترے لوگ

    تو پھر تو کیوں سنواری جا رہی ہے

    تری مرہم نگاہی اے مسیحا

    خراش دل پہ واری جا رہی ہے

    خرابے میں عجب تھا شور برپا

    دلوں سے انتظاری جا رہی ہے

    ویڈیو
    This video is playing from YouTube

    Videos
    This video is playing from YouTube

    جون ایلیا

    جون ایلیا

    مأخذ:

    gumaan (Pg. 148)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے