chamak kaisi ruKH-r-anwar mein hai

chamak kaisī ruḳh-r-anvār meñ hai

zamāna saarā hī asrār meñ hai

lagā.eñ apne fan-pāroñ kī qīmat

ki ab har chiiz hī bāzār meñ hai

ka.ī āñkheñ gaḌhī jaatī haiñ mujh meñ

koī rauzan dar-o-dīvār meñ hai

rahā huuñ muntazir jis kā azal se

vahī chehra mire afkār meñ hai

nahīñ pahlā sā ab rañg-e-bahārāñ

ki vīrānī gul-o-gulzār meñ hai

hadīs dil bayāñ kaise ho 'āsī'

mujhe mushkil bahut iz.hār meñ hai

chamak kaisi ruKH-r-anwar mein hai

zamana sara hi asrar mein hai

lagaen apne fan-paron ki qimat

ki ab har chiz hi bazar mein hai

kai aankhen gaDhi jati hain mujh mein

koi rauzan dar-o-diwar mein hai

raha hun muntazir jis ka azal se

wahi chehra mere afkar mein hai

nahin pahla sa ab rang-e-bahaaran

ki virani gul-o-gulzar mein hai

hadis dil bayan kaise ho 'asi'

mujhe mushkil bahut izhaar mein hai