chaman mein ja-ja ke ranDiyon ko pilaoge yun sharab kab tak

chaman meñ jā-jā ke ranDiyoñ ko pilāoge yuuñ sharāb kab tak

kabāb khā-khā ke saut ke tum karoge ham ko kabāb kab tak

ajī vo baalā na lāoge tum ye Taalā kab tak banāoge tum

kabhī to kamre pe aaoge tum karoge laala hijāb kab tak

mue ne merī na ek maanī vahī hai gauhar pe mehrbānī

ḳhudā hī jaane ki mujh pe jaanī rahegā ab ye itaab kab tak

huī adam ko buā tayārī ye saaf kahtī hai be-qarārī

karūñ kahāñ tak maiñ āh-o-zārī vo likkheñ ḳhat kā javāb kab tak

huī hai us din se un ko nafrat baḌhā.ī ranDī se jab se ulfat

yahī hai guyyāñ mujhe bhī hairat rahūñgī zer-e-itāb kab tak

zuhūr piirī karegī sāhib koī na yuuñ phir maregī sāhib

javānī kab tak rahegī sāhib rahegā daur-e-shabāb kab tak

vo sabzī manDī meñ hai jo ranDī muuī ko de de hai sau kī banDī

raqam ho sau sau kī yuuñ jo ThanDī chalegā ghar kā hisāb kab tak

muā nashe meñ ye be-ḳhabar hai haiñ paañv paTTī pe nīche sar hai

na roTī kapḌā na ghar na dar hai phirūñ maiñ dar-dar ḳharāb kab tak

isī se ghul ghul ga.ī hai begam hai nannhī sī jaañ pe koh sā ġham

nigoḌī kasbī pe qibla-ālam raheñge shaidā janāb kab tak

haiñ shohre baajī hamārī gat ke jagat sharārat chakit chapat ke

ye raag sun-sun na.ī ghaḌat ke na leñge karvaT navāb kab tak

lagā ke phūlo na jañglā dūlhā koī banā.e na kañglā dūlhā

hai naqsh-bar-āb bañgla dūlhā rahegā misl-e-habāb kab tak

utaar sar se kulāh-e-tatrī paḌheñ jo āl-e-nabī kī patrī

bane buā jī na sar kī chhatrī vo sāya-e-bū-turāb kab tak

chalegī piirī meñ kuchh na baḌ-baḌ nikāl deñgī chhināleñ laḌ-laḌ

gireñge āḳhir mue vo jhaḌ-jhaḌ karoge mirzā ḳhizāb kab tak

nahīñ raqīboñ se vo bhī kuchh kam ye qasmeñ khā-khā ke kahte haiñ ham

tumhāre 'mohsin' se 'anqā' begam na hoñge vo lā-javāb kab tak

chaman mein ja-ja ke ranDiyon ko pilaoge yun sharab kab tak

kabab kha-kha ke saut ke tum karoge hum ko kabab kab tak

aji wo baala na laoge tum ye Tala kab tak banaoge tum

kabhi to kamre pe aaoge tum karoge lala hijab kab tak

mue ne meri na ek mani wahi hai gauhar pe mehrbani

KHuda hi jaane ki mujh pe jaani rahega ab ye itab kab tak

hui adam ko bua tayari ye saf kahti hai be-qarari

karun kahan tak main aah-o-zari wo likkhen KHat ka jawab kab tak

hui hai us din se un ko nafrat baDhai ranDi se jab se ulfat

yahi hai guyyan mujhe bhi hairat rahungi zer-e-itab kab tak

zuhur piri karegi sahib koi na yun phir maregi sahib

jawani kab tak rahegi sahib rahega daur-e-shabab kab tak

wo sabzi manDi mein hai jo ranDi mui ko de de hai sau ki banDi

raqam ho sau sau ki yun jo ThanDi chalega ghar ka hisab kab tak

mua nashe mein ye be-KHabar hai hain panw paTTi pe niche sar hai

na roTi kapDa na ghar na dar hai phirun main dar-dar KHarab kab tak

isi se ghul ghul gai hai begam hai nannhi si jaan pe koh sa gham

nigoDi kasbi pe qibla-alam rahenge shaida janab kab tak

hain shohre baji hamari gat ke jagat shararat chakit chapat ke

ye rag sun-sun nai ghaDat ke na lenge karwaT nawab kab tak

laga ke phulo na jangla dulha koi banae na kangla dulha

hai naqsh-bar-ab bangla dulha rahega misl-e-habab kab tak

utar sar se kulah-e-tatri paDhen jo aal-e-nabi ki patri

bane bua ji na sar ki chhatri wo saya-e-bu-turab kab tak

chalegi piri mein kuchh na baD-baD nikal dengi chhinalen laD-laD

girenge aaKHir mue wo jhaD-jhaD karoge mirza KHizab kab tak

nahin raqibon se wo bhi kuchh kam ye qasmen kha-kha ke kahte hain hum

tumhaare 'mohsin' se 'anqa' begam na honge wo la-jawab kab tak