chamkā hai yuuñ nasīb kā taarā kabhī kabhī
ham ko to ḳhud usī ne pukārā kabhī kabhī
le Dūbtā hai dil ko sahārā kabhī kabhī
mañjdhār ban gayā hai kinārā kabhī kabhī
ye bhī huā hai haal hamārā kabhī kabhī
apne ko ham ne aap pukārā kabhī kabhī
apne se be-niyāz huā jā rahā huuñ maiñ
sun sun ke tum se haal tumhārā kabhī kabhī
saath apne shām-e-hijr ke jāgūñ ki aas bhī
le Dūbtā hai subah kā taarā kabhī kabhī
tūfāñ se bachne vaale bahut shādmāñ na ho
kashtī pe phaT paḌā hai kinārā kabhī kabhī
'manzar' shikāyatoñ kī talāfī zarūr hai
ik sajda shukr kā bhī ḳhudārā kabhī kabhī
chamka hai yun nasib ka tara kabhi kabhi
hum ko to KHud usi ne pukara kabhi kabhi
le Dubta hai dil ko sahaara kabhi kabhi
manjdhaar ban gaya hai kinara kabhi kabhi
ye bhi hua hai haal hamara kabhi kabhi
apne ko hum ne aap pukara kabhi kabhi
apne se be-niyaz hua ja raha hun main
sun sun ke tum se haal tumhaara kabhi kabhi
sath apne sham-e-hijr ke jagun ki aas bhi
le Dubta hai subah ka tara kabhi kabhi
tufan se bachne wale bahut shadman na ho
kashti pe phaT paDa hai kinara kabhi kabhi
'manzar' shikayaton ki talafi zarur hai
ek sajda shukr ka bhi KHudara kabhi kabhi
Source:
ManzaristanáDeewan-e-Manzarâ (Pg. ebook-124 page-123)
-
Author:
Syed Jafar Husain Manzar Lakhnawi
-
- Edition: 1962
- Publisher: Shiri Tulshi Ram Vesh
- Year of Publication: 1962
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
