chashm-e-gardun phir tamazat apni barsane lagi
chashm-e-gardūñ phir tamāzat apnī barsāne lagī
phir zamīñ minna-kash-e-dariyā nazar aane lagī
phir jahān-e-tāza kī ham justujū karne lage
phir ḳharābe meñ tabī.at apnī ghabrāne lagī
kyā mayassar aa gayā mujh ko havā kā iltifāt
ab mirī āvāz shāyad duur tak jaane lagī
manzar-e-ḳhush-rañg se uktā ke āḳhir ye nazar
apnī āvāra-mizājī kī sazā paane lagī
phir kisī ke dar pe ḳhushbū de rahī hai dastakeñ
phir koī aahaT mire kānoñ se Takrāne lagī
chashm-e-gardun phir tamazat apni barsane lagi
phir zamin minna-kash-e-dariya nazar aane lagi
phir jahan-e-taza ki hum justuju karne lage
phir KHarabe mein tabiat apni ghabrane lagi
kya mayassar aa gaya mujh ko hawa ka iltifat
ab meri aawaz shayad dur tak jaane lagi
manzar-e-KHush-rang se ukta ke aaKHir ye nazar
apni aawara-mizaji ki saza pane lagi
phir kisi ke dar pe KHushbu de rahi hai dastaken
phir koi aahaT mere kanon se Takrane lagi
Source:
Aks e Gumgushta (Pg. 15)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
