chhalak ke kam na ho aisi koi sharab nahin
chhalak ke kam na ho aisī koī sharāb nahīñ
nigāh-e-nargis-e-ra.anā tirā javāb nahīñ
zamīn jaag rahī hai ki inqalāb hai kal
vo raat hai koī zarra bhī mahv-e-ḳhvāb nahīñ
hayāt-e-dard huī jā rahī hai kyā hogā
ab is nazar kī duā.eñ bhī mustajāb nahīñ
zamīn us kī falak us kā kā.enāt us kī
kuchh aisā ishq tirā ḳhānumāñ-ḳharāb nahīñ
abhī kuchh aur ho insān kā lahū paanī
abhī hayāt ke chehre par āb-o-tāb nahīñ
jahāñ ke baab meñ tar dāmanoñ kā qaul ye hai
ye mauj mārtā dariyā koī sarāb nahīñ
dikhā to detī hai behtar hayāt ke sapne
ḳharāb ho ke bhī ye zindagī ḳharāb nahīñ
chhalak ke kam na ho aisi koi sharab nahin
nigah-e-nargis-e-rana tera jawab nahin
zamin jag rahi hai ki inqalab hai kal
wo raat hai koi zarra bhi mahw-e-KHwab nahin
hayat-e-dard hui ja rahi hai kya hoga
ab is nazar ki duaen bhi mustajab nahin
zamin us ki falak us ka kaenat us ki
kuchh aisa ishq tera KHanuman-KHarab nahin
abhi kuchh aur ho insan ka lahu pani
abhi hayat ke chehre par aab-o-tab nahin
jahan ke bab mein tar damanon ka qaul ye hai
ye mauj marta dariya koi sarab nahin
dikha to deti hai behtar hayat ke sapne
KHarab ho ke bhi ye zindagi KHarab nahin
Source:
Irtiqa, 36 Firaaq No. (Pg. 427)
- Author: Hasan Abid, Wahid Bashiir, Rahat Sayeed
-
- Publisher: Irtiqa Matbuaat, Karachi, (pakistan)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
