chori se do ghaDi jo nazare hue to kya

chorī se do ghaḌī jo nazāre hue to kyā

chilman to biich meñ hai ishāre hue to kyā

bosa-dahī kā lutf milā husn baḌh gayā

ruḳhsār laal laal tumhāre hue to kyā

be-parda muñh dikhā ke mire hosh uḌaao tum

parde kī aaḌ se jo nazāre hue to kyā

mujh ko kuḌhā kuḌhā ke vo māreñge jaan se

dilbar hue to kyā mire pyāre hue to kyā

ai jaañ muqābla mire hāthoñ se kab huā

joban tire ubhar ke karāre hue to kyā

ulfat kā lutf kyā jo baġhal hī na garm ho

vo dil meñ rahne vaale hamāre hue to kyā

tāsīr de du'ā meñ ḳhudā hai yahī du'ā

ūñche jo donoñ haath hamāre hue to kyā

bosa na de vo mujh ko to maiñ is ko dil na duuñ

is gore haath se jo ishāre hue to kyā

tum so.o phail ke phūloñ kī sej par

furqat meñ ham jo gor kināre hue to kyā

siina milā ke siina se dil meñ jagah karo

phirte ho jaubanoñ ko ubhāre hue to kyā

kab khelne pakaḌ ke havā meñ se laa.e vo

jugnū jo aah dil ke sharāre hue to kyā

ai jaañ hai terī zulf-e-pareshāñ kā husn aur

hūroñ ke baal haiñ jo sañvāre hue to kyā

āñkheñ khulī bhī huuñ to vahī sāmne rahe

āñkhoñ ko band kar ke nazāre hue to kyā

lākhoñ maze mileñ mire lab se agar mileñ

vo gore gaal aañkh ke taare hue to kyā

yak bosa aur luñgā araq muñh se pūchh kar

vo aab aab sharm ke maare hue to kyā

'mā.il' na ho visāl to kyā 'ishq kā mazā

mā'shūq duur se vo hamāre hue to kyā

chori se do ghaDi jo nazare hue to kya

chilman to bich mein hai ishaare hue to kya

bosa-dahi ka lutf mila husn baDh gaya

ruKHsar lal lal tumhaare hue to kya

be-parda munh dikha ke mere hosh uDao tum

parde ki aaD se jo nazare hue to kya

mujh ko kuDha kuDha ke wo marenge jaan se

dilbar hue to kya mere pyare hue to kya

ai jaan muqabla mere hathon se kab hua

joban tere ubhar ke karare hue to kya

ulfat ka lutf kya jo baghal hi na garm ho

wo dil mein rahne wale hamare hue to kya

tasir de du'a mein KHuda hai yahi du'a

unche jo donon hath hamare hue to kya

bosa na de wo mujh ko to main is ko dil na dun

is gore hath se jo ishaare hue to kya

tum soo phail ke phulon ki sej par

furqat mein hum jo gor kinare hue to kya

sina mila ke sina se dil mein jagah karo

phirte ho jaubanon ko ubhaare hue to kya

kab khelne pakaD ke hawa mein se lae wo

jugnu jo aah dil ke sharare hue to kya

ai jaan hai teri zulf-e-pareshan ka husn aur

huron ke baal hain jo sanware hue to kya

aankhen khuli bhi hun to wahi samne rahe

aankhon ko band kar ke nazare hue to kya

lakhon maze milen mere lab se agar milen

wo gore gal aankh ke tare hue to kya

yak bosa aur lunga araq munh se puchh kar

wo aab aab sharm ke mare hue to kya

'mail' na ho visal to kya 'ishq ka maza

ma'shuq dur se wo hamare hue to kya