chur tha zaKHmon se dil zaKHmi jigar bhi ho gaya
chuur thā zaḳhmoñ se dil zaḳhmī jigar bhī ho gayā
us ko rote the ki suunā ye nagar bhī ho gayā
log usī sūrat pareshāñ haiñ jidhar bhī dekhiye
aur vo kahte haiñ koh-e-ġham to sar bhī ho gayā
bām-o-dar par hai musallat aaj bhī shām-e-alam
yuuñ to in galiyoñ se ḳhurshīd-e-sahar bhī ho gayā
us sitamgar kī haqīqat ham pe zāhir ho ga.ī
ḳhatm ḳhush-fahmī kī manzil kā safar bhī ho gayā
chur tha zaKHmon se dil zaKHmi jigar bhi ho gaya
us ko rote the ki suna ye nagar bhi ho gaya
log usi surat pareshan hain jidhar bhi dekhiye
aur wo kahte hain koh-e-gham to sar bhi ho gaya
baam-o-dar par hai musallat aaj bhi sham-e-alam
yun to in galiyon se KHurshid-e-sahar bhi ho gaya
us sitamgar ki haqiqat hum pe zahir ho gai
KHatm KHush-fahmi ki manzil ka safar bhi ho gaya
Source:
kulliyat-e-habib jaalib (Pg. 255)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
