dastan-e-gham-e-dil un ko sunai na gai
dāstān-e-ġham-e-dil un ko sunā.ī na ga.ī
baat bigḌī thī kuchh aisī ki banā.ī na ga.ī
sab ko ham bhuul ga.e josh-e-junūñ meñ lekin
ik tirī yaad thī aisī jo bhulā.ī na ga.ī
ishq par kuchh na chalā dīda-e-tar kā qaabū
us ne jo aag lagā dī vo bujhā.ī na ga.ī
paḌ gayā husn-e-ruḳh-e-yār kā partav jis par
ḳhaak meñ mil ke bhī is dil kī safā.ī na ga.ī
kyā uThā.egī sabā ḳhaak mirī us dar se
ye qayāmat to ḳhud un se bhī uThā.ī na ga.ī
dastan-e-gham-e-dil un ko sunai na gai
baat bigDi thi kuchh aisi ki banai na gai
sab ko hum bhul gae josh-e-junun mein lekin
ek teri yaad thi aisi jo bhulai na gai
ishq par kuchh na chala dida-e-tar ka qabu
us ne jo aag laga di wo bujhai na gai
paD gaya husn-e-ruKH-e-yar ka partaw jis par
KHak mein mil ke bhi is dil ki safai na gai
kya uThaegi saba KHak meri us dar se
ye qayamat to KHud un se bhi uThai na gai
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
