dahan ko zaKHm zaban ko lahu lahu karna

dahan ko zaḳhm zabāñ ko lahū lahū karnā

azīzo sahl nahīñ us kī guftugū karnā

khule darīcho ko taknā to hāo-hū karnā

yahī tamāsha sar-e-shām kū-ba-kū karnā

jo kaam mujh se nahīñ ho sakā vo tū karnā

jahāñ meñ apnā safar misl-e-rañg-o-bū karnā

jahāñ meñ aam haiñ nukta-shanāsiyāñ us kī

tum ek lafz meñ tashrīh-e-ārzū karnā

dil-e-tabāh kī īzā-parastiyāñ ma.alūm

jo dastaras meñ na ho us kī justujū karnā

maiñ us kī zaat se inkār karne vaalā kaun

na ho yaqīñ to mujhe us ke rū-ba-rū karnā

jo harf likhnā use lauh-e-āb par likhnā

jo naqsh karnā sar-e-sat.h-e-ābjū karnā

dahan ko zaKHm zaban ko lahu lahu karna

azizo sahl nahin us ki guftugu karna

khule daricho ko takna to hao-hu karna

yahi tamasha sar-e-sham ku-ba-ku karna

jo kaam mujh se nahin ho saka wo tu karna

jahan mein apna safar misl-e-rang-o-bu karna

jahan mein aam hain nukta-shanasiyan us ki

tum ek lafz mein tashrih-e-arzu karna

dil-e-tabah ki iza-parastiyan malum

jo dastaras mein na ho us ki justuju karna

main us ki zat se inkar karne wala kaun

na ho yaqin to mujhe us ke ru-ba-ru karna

jo harf likhna use lauh-e-ab par likhna

jo naqsh karna sar-e-sath-e-abju karna