daraKHt dhup se laDta hai is qadar din-bhar

daraḳht dhuup se laḌtā hai is qadar din-bhar

phaloñ se shāḳhoñ se rahtā hai be-ḳhabar din-bhar

na ābshār na panchhī na jānvar na daraḳht

ajiib dasht meñ kartā rahā safar din-bhar

Dhalī jo shaam to bachche sā so gayā sūraj

dikhā rahā thā ka.ī tarah ke hunar din-bhar

mire nasīb meñ kyā aur kuchh likhā hī nahīñ

safar meñ rahtā huuñ ghar par maiñ rāt-bhar din-bhar

saverā hote hī sab kaam par nikalte haiñ

udaas udaas sā rahtā hai merā ghar din-bhar

qubūl kaise duā ho bhalā charāġhoñ kī

ki apnī jaan bhī rah jaa.e mo'atabar din-bhar

daraKHt dhup se laDta hai is qadar din-bhar

phalon se shaKHon se rahta hai be-KHabar din-bhar

na aabshaar na panchhi na jaanwar na daraKHt

ajib dasht mein karta raha safar din-bhar

Dhali jo sham to bachche sa so gaya suraj

dikha raha tha kai tarah ke hunar din-bhar

mere nasib mein kya aur kuchh likha hi nahin

safar mein rahta hun ghar par main raat-bhar din-bhar

sawera hote hi sab kaam par nikalte hain

udas udas sa rahta hai mera ghar din-bhar

qubul kaise dua ho bhala charaghon ki

ki apni jaan bhi rah jae mo'atabar din-bhar