darichon mein charaghon ki kami mahsus hoti hai
darīchoñ meñ charāġhoñ kī kamī mahsūs hotī hai
yahāñ to phir havā kī barhamī mahsūs hotī hai
vo ab bhī guftugū kartā hai pahle kī tarah lekin
zarā sī barf lahje meñ jamī mahsūs hotī hai
tire va.ade kā saaya ho to sahrā ke safar meñ bhī
jhulastī lau havā-e-shabnamī mahsūs hotī hai
to kyā maiñ zabt ke me.aar par puurā nahīñ utrā
to kyā merī in āñkhoñ meñ namī mahsūs hotī hai
na jaane terī hālat kyā hai us ko dekh kar 'az.har'
mujhe to dil kī dhaḌkan bhī thamī mahsūs hotī hai
darichon mein charaghon ki kami mahsus hoti hai
yahan to phir hawa ki barhami mahsus hoti hai
wo ab bhi guftugu karta hai pahle ki tarah lekin
zara si barf lahje mein jami mahsus hoti hai
tere wade ka saya ho to sahra ke safar mein bhi
jhulasti lau hawa-e-shabnami mahsus hoti hai
to kya main zabt ke mear par pura nahin utra
to kya meri in aankhon mein nami mahsus hoti hai
na jaane teri haalat kya hai us ko dekh kar 'azhar'
mujhe to dil ki dhaDkan bhi thami mahsus hoti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
