tegh-e-pur-KHun wo agar dhoe kanar-e-dariya

Munawar Khan Ghafil

tegh-e-pur-KHun wo agar dhoe kanar-e-dariya

Munawar Khan Ghafil

MORE BYMunawar Khan Ghafil

    teġh-e-pur-ḳhūñ vo agar dho.e kanār-e-dariyā

    ḳhanda-zan rañg-e-chaman par ho bahār-e-dariyā

    atash-e-ishq lazzat ye milī hai ham ko

    gireñ aag meñ aur hoñ na dochār-e-dariyā

    durra-e-mauj lagātā hai use be-taqsīr

    kyuuñ na ho lāsha mirā shikva-guzār-e-dariyā

    surḳhī-e-aks-e-shafaq par jo paḌā lab gumāñ

    la.al-o-yāqūt kiye ham ne nisār-e-dariyā

    naḳhl-e-ḳhvāhish jo nahīñ hotā hai is se sarsabz

    girya kartā hai mirā ḳhanda ba-kār-e-dariyā

    machhliyāñ laḳht-e-jigar bantī haiñ dariyā aañsū

    kis gul-e-tar ko huā shauq-e-shikār-e-dariyā

    kyā gul-andām koī is meñ nahāyā thā jo aaj

    rag-e-gul se haiñ mo.attar ḳhas-o-ḳhār-e-dariyā

    kis zulf-e-araq-afshāñ tasavvur hai unheñ

    lipTe jaate haiñ bahroñ se jo mār-e-dariyā

    sail-e-āfāt meñ tan dete haiñ jo ai 'ġhāfil'

    misl-e-ḳhāshāk vo rahte haiñ savār-e-dariyā

    tegh-e-pur-KHun wo agar dhoe kanar-e-dariya

    KHanda-zan rang-e-chaman par ho bahaar-e-dariya

    atash-e-ishq ki lazzat ye mili hai hum ko

    ja giren aag mein aur hon na dochaar-e-dariya

    durra-e-mauj lagata hai use be-taqsir

    kyun na ho lasha mera shikwa-guzar-e-dariya

    surKHi-e-aks-e-shafaq par jo paDa lab ka guman

    lal-o-yaqut kiye hum ne nisar-e-dariya

    naKHl-e-KHwahish jo nahin hota hai is se sarsabz

    girya karta hai mera KHanda ba-kar-e-dariya

    machhliyan laKHt-e-jigar banti hain dariya aansu

    kis gul-e-tar ko hua shauq-e-shikar-e-dariya

    kya gul-andam koi is mein nahaya tha jo aaj

    rag-e-gul se hain moattar KHas-o-KHar-e-dariya

    kis ki zulf-e-araq-afshan ka tasawwur hai unhen

    lipTe hi jate hain bahron se jo mar-e-dariya

    sail-e-afat mein tan dete hain jo ai 'ghafil'

    misl-e-KHashak wo rahte hain sawar-e-dariya

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now