dariya guzar gae hain samundar guzar gae

dariyā guzar ga.e haiñ samundar guzar ga.e

pyāsā rahā maiñ kitne hī manzar guzar ga.e

us jaisā dūsrā na samāyā nigāh meñ

kitne hasīn āñkhoñ se paikar guzar ga.e

kuchh tiir mere siine meñ paivast ho ga.e

kuchh tiir mere siine se bāhar guzar ga.e

aañsū bayān karne se qāsir rahe jinheñ

kyā kyā na zaḳhm zaat ke andar guzar ga.e

ik choT dil pe lagtī rahī hai tamām shab

dil kī zamīñ se yādoñ ke lashkar guzar ga.e

vo zabt thā ki aah na niklī zabān se

dil pe hamāre kitne hī ḳhanjar guzar ga.e

manzil thī vo ki hotī ga.ī duur hī 'zafar'

kitne hī rah meñ miil ke patthar guzar ga.e

dariya guzar gae hain samundar guzar gae

pyasa raha main kitne hi manzar guzar gae

us jaisa dusra na samaya nigah mein

kitne hasin aankhon se paikar guzar gae

kuchh tir mere sine mein paiwast ho gae

kuchh tir mere sine se bahar guzar gae

aansu bayan karne se qasir rahe jinhen

kya kya na zaKHm zat ke andar guzar gae

ek choT dil pe lagti rahi hai tamam shab

dil ki zamin se yaadon ke lashkar guzar gae

wo zabt tha ki aah na nikli zaban se

dil pe hamare kitne hi KHanjar guzar gae

manzil thi wo ki hoti gai dur hi 'zafar'

kitne hi rah mein mil ke patthar guzar gae