darman mila to dard ka unwan badal gaya

darmāñ milā to dard kā unvāñ badal gayā

aaya samajh meñ dard to darmāñ badal gayā

aisī bhī kyā nigāh-e-mohabbat se dushmanī

phūloñ samet rang-e-gulistāñ badal gayā

sāhil pe lā ke TuuTī huī naav pheñk dī

khā kar taras irāda-e-tūfāñ badal gayā

kāfir banā ke kufr-navāzī bhī chhoḌ dī

īmān le ke dushman-e-īmāñ badal gayā

mahfil meñ vo the aur mohabbat pe guftugū

pahuñchā jo maiñ to baat kā unvāñ badal gayā

āzād kar rahe haiñ ziyārat asiir kī

kis ke qadam se ālam-e-zindāñ badal gayā

tum to badal sake na pareshānī-e-ḳhayāl

ham ko 'razā' ḳhayāl-e-pareshāñ badal gayā

darman mila to dard ka unwan badal gaya

aaya samajh mein dard to darman badal gaya

aisi bhi kya nigah-e-mohabbat se dushmani

phulon samet rang-e-gulistan badal gaya

sahil pe la ke TuTi hui naw phenk di

kha kar taras irada-e-tufan badal gaya

kafir bana ke kufr-nawazi bhi chhoD di

iman le ke dushman-e-iman badal gaya

mahfil mein wo the aur mohabbat pe guftugu

pahuncha jo main to baat ka unwan badal gaya

aazad kar rahe hain ziyarat asir ki

kis ke qadam se aalam-e-zindan badal gaya

tum to badal sake na pareshani-e-KHayal

hum ko 'raza' KHayal-e-pareshan badal gaya