dasht ko dekh ke ghar yaad aaya

dasht ko dekh ke ghar yaad aayā

hameñ yūsuf kā safar yaad aayā

maiñ ne talvār pe sar rakkhā thā

yā'nī talvār se sar yaad aayā

vo tirī kam-suḳhanī thī ki mujhe

baat karne kā hunar yaad aayā

ai zamāne mire pahlū meñ Thahar

phir salām-e-pas-e-dar yaad aayā

kise uḌte hue dekhā ki tumheñ

apnā TuuTā huā par yaad aayā

aaj maiñ ḳhud se milā huuñ 'tālib'

aaj bhūlā huā ghar yaad aayā

dasht ko dekh ke ghar yaad aaya

hamein yusuf ka safar yaad aaya

main ne talwar pe sar rakkha tha

ya'ni talwar se sar yaad aaya

wo teri kam-suKHani thi ki mujhe

baat karne ka hunar yaad aaya

ai zamane mere pahlu mein Thahar

phir salam-e-pas-e-dar yaad aaya

kise uDte hue dekha ki tumhein

apna TuTa hua par yaad aaya

aaj main KHud se mila hun 'talib'

aaj bhula hua ghar yaad aaya