دست بردارئ تعلیم نہیں ہو سکتی
فکر اپنی کبھی دو نیم نہیں ہو سکتی
دوستا اپنی غریبی کا بہانا نہ بنا
کیا غذا فاقوں میں تقسیم نہیں ہو سکتی
کچھ سخن فہم ہی اشعار سمجھ پاتے ہیں
سب سے تشریح مفاہیم نہیں ہو سکتی
کیا کہا دشت میں شمشیر سے خائف تھے گلے
بات یہ قابل تسلیم نہیں ہو سکتی
کس کو کیا دینا ہے یہ صرف خدا جانتا ہے
وہ نہیں چاہے تو تعظیم نہیں ہو سکتی
یہ جو اللہ نے چودہ کی بنائی ہوئی ہے
اس سے بہتر کوئی تنظیم نہیں ہو سکتی
کتنی ہی عطر مودت میں نہا لے لیکن
القمہ کوثر و تسنیم نہیں ہو سکتی
اپنے اکبر کو بھی قربان کریں گے شبیر
ختم تحریک براہیم نہیں ہو سکتی
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
