dast-e-wahshat se zara aur sanwarenge tujhe

dast-e-vahshat se zarā aur sañvāreñge tujhe

apne andāz meñ ai hijr guzāreñge tujhe

gar hameñ niiñd na aa.ī to ye tai hai jānāñ

tere darvāze pe jā.eñge pukāreñge tujhe

ai mohabbat tujhe tā-hashr nibhā.eñge ham

itnī jaldī kahāñ palkoñ se utāreñge tujhe

jis bhī lamhe meñ tujhe jiine kī hasrat hogī

ham usī lamhe kī dahlīz pe māreñge tujhe

phir se rakkhā hai tujhe daav pe ai dil ham ne

ham ko mā'lūm hai is baar bhī hāreñge tujhe

vaqt-e-āḳhir bhī ye jaañ tum pe hī aTkī hogī

hoñTh jab jab bhī khuleñge to pukāreñge tujhe

dast-e-wahshat se zara aur sanwarenge tujhe

apne andaz mein ai hijr guzarenge tujhe

gar hamein nind na aai to ye tai hai jaanan

tere darwaze pe jaenge pukarenge tujhe

ai mohabbat tujhe ta-hashr nibhaenge hum

itni jaldi kahan palkon se utarenge tujhe

jis bhi lamhe mein tujhe jine ki hasrat hogi

hum usi lamhe ki dahliz pe marenge tujhe

phir se rakkha hai tujhe daw pe ai dil hum ne

hum ko ma'lum hai is bar bhi haarenge tujhe

waqt-e-aKHir bhi ye jaan tum pe hi aTki hogi

honTh jab jab bhi khulenge to pukarenge tujhe