dayar-e-ishq ki shaMein jala to sakte hain
dayār-e-ishq kī sham.eñ jalā to sakte haiñ
ḳhushī mile na mile muskurā to sakte haiñ
hamesha vasl mayassar ho ye zarūrī nahīñ
do ek din ko tire paas aa to sakte haiñ
jo rāz-e-ishq hai un ko chhupā.eñge lekin
jo dāġh-e-ishq haiñ sab ko dikhā to sakte haiñ
ham imtihān meñ nākām huuñ ye rañj nahīñ
isī meñ ḳhush haiñ ki vo aazmā to sakte haiñ
nasīm-e-sub.h ke jhoñke haiñ ḳhush-gavār magar
kabhī kabhī ye diloñ ko dikhā to sakte haiñ
yahī bahut hai ki is ḳhār-zār-e-duniyā meñ
tujhe ham apne gale se lagā to sakte haiñ
dayar-e-ishq ki shamen jala to sakte hain
KHushi mile na mile muskura to sakte hain
hamesha wasl mayassar ho ye zaruri nahin
do ek din ko tere pas aa to sakte hain
jo raaz-e-ishq hai un ko chhupaenge lekin
jo dagh-e-ishq hain sab ko dikha to sakte hain
hum imtihan mein nakaam hun ye ranj nahin
isi mein KHush hain ki wo aazma to sakte hain
nasim-e-subh ke jhonke hain KHush-gawar magar
kabhi kabhi ye dilon ko dikha to sakte hain
yahi bahut hai ki is KHar-zar-e-duniya mein
tujhe hum apne gale se laga to sakte hain
Source:
Kulliyat-e-Asad Badayuni (Pg. 442)
- Author: Asad Badayuni
-
- Edition: 2008
- Publisher: National Council for Promotion of Urdu language-NCPUL
- Year of Publication: 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
