dekh apne qarar karne ko

dekh apne qarār karne ko

aur mire intizār karne ko

tumheñ dekhe se kyā tasallī ho

jī to hotā hai pyaar karne ko

merī tadbīr ik nahīñ kartā

haiñ nasīhat hazār karne ko

vo vo sadme sahe shab-e-ġham meñ

chāhiye din shumār karne ko

vo gar aa.eñ to paas kyā hai aur

ek jaañ hai nisār karne ko

jhūTe va.ade kiyā na kiije aap

muft ummīd-vār karne ko

aap haiñ rūThne hī ko aur ham

minnateñ baar baar karne ko

apnī ayyāriyoñ ko dekheñ aap

aur mire e'tibār karne ko

dil bhī terā sā chāhiye hai 'nizām'

ishq ke iḳhtiyār karne ko

dekh apne qarar karne ko

aur mere intizar karne ko

tumhein dekhe se kya tasalli ho

ji to hota hai pyar karne ko

meri tadbir ek nahin karta

hain nasihat hazar karne ko

wo wo sadme sahe shab-e-gham mein

chahiye din shumar karne ko

wo gar aaen to pas kya hai aur

ek jaan hai nisar karne ko

jhuTe wade kiya na kije aap

muft ummid-war karne ko

aap hain ruThne hi ko aur hum

minnaten bar bar karne ko

apni ayyariyon ko dekhen aap

aur mere e'tibar karne ko

dil bhi tera sa chahiye hai 'nizam'

ishq ke iKHtiyar karne ko