dekhe koi jo chaak-e-gareban ke par bhi

dekhe koī jo chāk-e-garebāñ ke paar bhī

ā.īna-e-ḳhizāñ meñ hai aks-e-bahār bhī

ab har-nafas hai bhīgī sadāoñ kī ik fasīl

mauj-e-havas thī gardish-e-lail-o-nahār bhī

kyā shorish-e-junūñ hai zarā kam nahīñ huā

qurbat ke bāvajūd tirā intizār bhī

kitnī aqīdatoñ ke jigar chaak ho ga.e

kyā sehr thā shu.ūr-e-nazar kā ḳhumār bhī

jo arsh-o-farsh par kabhī aayā nahīñ nazar

dekhā hai us ko ham ne sar-e-rahguzār bhī

vo shor-e-husn thā dam-e-nazzāra-e-jamāl

ham sun sake na apne badan kī pukār bhī

'fāriġh' ḳhayāl-e-yār se maiñ ham-subū rahā

guzrī hai mai-kade meñ shab-e-intizār bhī

dekhe koi jo chaak-e-gareban ke par bhi

aaina-e-KHizan mein hai aks-e-bahaar bhi

ab har-nafas hai bhigi sadaon ki ek fasil

mauj-e-hawas thi gardish-e-lail-o-nahaar bhi

kya shorish-e-junun hai zara kam nahin hua

qurbat ke bawajud tera intizar bhi

kitni aqidaton ke jigar chaak ho gae

kya sehr tha shuur-e-nazar ka KHumar bhi

jo arsh-o-farsh par kabhi aaya nahin nazar

dekha hai us ko hum ne sar-e-rahguzar bhi

wo shor-e-husn tha dam-e-nazzara-e-jamal

hum sun sake na apne badan ki pukar bhi

'farigh' KHayal-e-yar se main ham-subu raha

guzri hai mai-kade mein shab-e-intizar bhi