dekhen kya ab ke asiri hamein dikhlati hai
dekhen kya ab ke asiri hamein dikhlati hai
Mirza Mohammad Taqi Hawas
MORE BYMirza Mohammad Taqi Hawas
dekheñ kyā ab ke asīrī hameñ dikhlātī hai
log kahte haiñ ki phir fasl-e-bahār aatī hai
ġhash chalā aatā hai aur aañkh muñdī jaatī hai
ham ko kyā kyā mirī be-tāqatī dikhlātī hai
kyā sunā us ne kahīñ ruḳhsat-e-gul kā mazkūr
andalīb aaj qafas meñ paḌī chillātī hai
tā.er-e-rūh ko parvāz kā har dam hai ḳhayāl
qafas-e-tan meñ mirī jaan ye ghabrātī hai
dekh rote mujhe hañs hañs kahe jaanā har dam
jaan se mujh ko to terī ye adā bhātī hai
bazm-e-hastī meñ tū baiThā hai 'havas' kyā ġhāfil
kuchh jo karnā hai tū kar umr chalī jaatī hai
dekhen kya ab ke asiri hamein dikhlati hai
log kahte hain ki phir fasl-e-bahaar aati hai
ghash chala aata hai aur aankh mundi jati hai
hum ko kya kya meri be-taqati dikhlati hai
kya suna us ne kahin ruKHsat-e-gul ka mazkur
andalib aaj qafas mein paDi chillati hai
taer-e-ruh ko parwaz ka har dam hai KHayal
qafas-e-tan mein meri jaan ye ghabraati hai
dekh rote mujhe hans hans kahe jaana har dam
jaan se mujh ko to teri ye ada bhati hai
bazm-e-hasti mein tu baiTha hai 'hawas' kya ghafil
kuchh jo karna hai tu kar umr chali jati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
