dekhna uski tajalli ka jise manzur hai
dekhna uski tajalli ka jise manzur hai
Shaikh Zahuruddin Hatim
MORE BYShaikh Zahuruddin Hatim
dekhnā us kī tajallī kā jise manzūr hai
sañg-reza bhī nazar meñ us kī koh-e-tūr hai
ham se ham-chashmī anal-haq ko kahāñ maqdūr hai
ashk har yak-dār mizhgāñ par mire mansūr hai
nahno-aqrab kī nahīñ hai ramz se tū āshnā
varna vo nazdīk hai tū aap us se duur hai
hijr kī shab ko agar kaaTe to phir hai roz-e-vasl
niish ke parde meñ dekhā nosh bhī mastūr hai
kyā huā vaa.iz kare hai shor juuñ tabl-e-tahī
vo sar-e-be-maġhz goyā kāñsa-e-tambūr hai
aaj hameñ aur hī nazar aatā hai kuchh sohbat kā rañg
bazm hai maḳhmūr aur saaqī nashe meñ chuur hai
roz o shab rahtā hai terī yaad meñ āshiq kā dil
go muqassir hai tirī ḳhidmat se go ma.azūr hai
aarzū hai raat añdherī meñ ki aave māh-rū
jis ke aage raushnā.ī sham.a kī be-nūr hai
ḳhāksāroñ ko kabhū laatā nahīñ ḳhātir meñ vo
husn kī daulat par apne is qadar maġhrūr hai
ishq hai dārushshifā aur dard hai is kā tabīb
jo nahīñ is maraz kā tālib sadā ranjūr hai
ab talak 'hātim' se to vāqif nahīñ afsos yaar
shā.erī ke fan meñ vo āfāq meñ mash.hūr hai
dekhna us ki tajalli ka jise manzur hai
sang-reza bhi nazar mein us ki koh-e-tur hai
hum se ham-chashmi anal-haq ko kahan maqdur hai
ashk har yak-dar mizhgan par mere mansur hai
nahno-aqrab ki nahin hai ramz se tu aashna
warna wo nazdik hai tu aap us se dur hai
hijr ki shab ko agar kaTe to phir hai roz-e-wasl
nish ke parde mein dekha nosh bhi mastur hai
kya hua waiz kare hai shor jun tabl-e-tahi
wo sar-e-be-maghz goya kansa-e-tambur hai
aaj hamein aur hi nazar aata hai kuchh sohbat ka rang
bazm hai maKHmur aur saqi nashe mein chur hai
roz o shab rahta hai teri yaad mein aashiq ka dil
go muqassir hai teri KHidmat se go mazur hai
aarzu hai raat andheri mein ki aawe mah-ru
jis ke aage raushnai shama ki be-nur hai
KHaksaron ko kabhu lata nahin KHatir mein wo
husn ki daulat par apne is qadar maghrur hai
ishq hai darushshifa aur dard hai is ka tabib
jo nahin is maraz ka talib sada ranjur hai
ab talak 'hatim' se to waqif nahin afsos yar
shaeri ke fan mein wo aafaq mein mashhur hai
Source:
Diwan-e-Zadah (Pg. 289)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
