dekho jise wo hai gham-e-dauran liye hue
dekho jise vo hai ġham-e-daurāñ liye hue
insāniyat hai ḳhvāb-e-pareshāñ liye hue
duniyā bhaTak rahī hai sukūñ kī talāsh meñ
puurā jo ho na paa.e vo armāñ liye hue
qatre meñ dekhiye to samundar hai maujzan
zarra hazār mehr-e-daraḳhshāñ liye hue
khilte haiñ phuul aur mahaktī hai rah-guzar
ye kaun aa gayā hai gulistāñ liye hue
ai husn-e-be-panāh idhar bhī nigāh kar
zāhid hai zohd-o-taqvā-o-īmāñ liye hue
sho'le kī ik chamak hai 'moazzam' ye zindagī
kyā kyā gumān dil meñ hai insāñ liye hue
dekho jise wo hai gham-e-dauran liye hue
insaniyat hai KHwab-e-pareshan liye hue
duniya bhaTak rahi hai sukun ki talash mein
pura jo ho na pae wo arman liye hue
qatre mein dekhiye to samundar hai maujzan
zarra hazar mehr-e-daraKHshan liye hue
khilte hain phul aur mahakti hai rah-guzar
ye kaun aa gaya hai gulistan liye hue
ai husn-e-be-panah idhar bhi nigah kar
zahid hai zohd-o-taqwa-o-iman liye hue
sho'le ki ek chamak hai 'moazzam' ye zindagi
kya kya guman dil mein hai insan liye hue
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
