dekhta rahta hun main teri ghazali aankhen
dekhtā rahtā huuñ maiñ terī ġhazālī āñkheñ
dekh to tū bhī zarā merī savālī āñkheñ
chashm-e-āhū se na nargis se hai tashbīh durust
haiñ misāl aap hī vo apnī nirālī āñkheñ
barhamī husn ko kuchh aur jilā detī hai
vo jamālī terā chehra vo jalālī āñkheñ
aa ke har roz tasavvur meñ banā jaatī hai
ek rañgīn sī tasvīr ḳhayālī āñkheñ
ḳhat paḌhe yā na paḌhe aa.e na aa.e vo shoḳh
'ḳhār' kyuuñ bhej na deñ dekhne vaalī āñkheñ
dekhta rahta hun main teri ghazali aankhen
dekh to tu bhi zara meri sawali aankhen
chashm-e-ahu se na nargis se hai tashbih durust
hain misal aap hi wo apni nirali aankhen
barhami husn ko kuchh aur jila deti hai
wo jamali tera chehra wo jalali aankhen
aa ke har roz tasawwur mein bana jati hai
ek rangin si taswir KHayali aankhen
KHat paDhe ya na paDhe aae na aae wo shoKH
'KHar' kyun bhej na den dekhne wali aankhen
Source:
Aazadi ke baad dehli men urdu gazal (Pg. 131)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
