der lagi aane mein tumko shukr hai phir bhi aae to

der lagī aane meñ tum ko shukr hai phir bhī aa.e to

aas ne dil kā saath na chhoḌā vaise ham ghabrā.e to

shafaq dhanak mahtāb ghaTā.eñ taare naġhme bijlī phuul

us dāman meñ kyā kyā kuchh hai dāman haath meñ aa.e to

chāhat ke badle meñ ham to bech deñ apnī marzī tak

koī mile to dil kā gāhak koī hameñ apnā.e to

kyoñ ye mehr-angez tabassum madd-e-nazar jab koī nahīñ

haa.e koī anjān agar is dhoke meñ aa jaa.e to

sunī sunā.ī baat nahīñ ye apne uupar biitī hai

phuul nikalte haiñ sho.aloñ se chāhat aag lagā.e to

jhūTh hai sab tārīḳh hamesha apne ko dohrātī hai

achchhā merā ḳhvāb-e-javānī thoḌā sā dohrā.e to

nādānī aur majbūrī meñ yaaro kuchh to farq karo

ik be-bas insān kare kyā TuuT ke dil aa jaa.e to

der lagi aane mein tum ko shukr hai phir bhi aae to

aas ne dil ka sath na chhoDa waise hum ghabrae to

shafaq dhanak mahtab ghaTaen tare naghme bijli phul

us daman mein kya kya kuchh hai daman hath mein aae to

chahat ke badle mein hum to bech den apni marzi tak

koi mile to dil ka gahak koi hamein apnae to

kyon ye mehr-angez tabassum madd-e-nazar jab koi nahin

hae koi anjaan agar is dhoke mein aa jae to

suni sunai baat nahin ye apne upar biti hai

phul nikalte hain shoalon se chahat aag lagae to

jhuTh hai sab tariKH hamesha apne ko dohraati hai

achchha mera KHwab-e-jawani thoDa sa dohrae to

nadani aur majburi mein yaro kuchh to farq karo

ek be-bas insan kare kya TuT ke dil aa jae to