dhuMein machaen sabza raunden phulon ko pamal karen

dhūmeñ machā.eñ sabza rauñdeñ phūloñ ko pāmāl kareñ

josh-e-junūñ kā ye aalam hai ab kyā apnā haal kareñ

dasht-e-jāñ meñ ek ḳhushī kī lahr kahāñ tak dauḌegī

vasl ke ik ik lamhe ko ham kyuuñ kar maah o saal kareñ

jaan se baḌh kar dil hai pyārā dil se ziyāda jaan aziiz

dard-e-mohabbat kā ik tohfa kis kis ko irsāl kareñ

nañg-e-karam hai soz-e-alam se ahl-e-dil kī mahrūmī

dard-e-ishq matā-e-jāñ hai sāhib kuchh to ḳhayāl kareñ

mausam badle phir bhī hai āshob-e-visāl-o-hijr vahī

haal zamāne kā jab ye ho kyā maazī kyā haal kareñ

ruuh kī ek ik choT ubhāreñ dil kā ek ik zaḳhm dikhā.eñ

ham se ho to numāyāñ kyā kyā apne ḳhadd-o-ḳhāl kareñ

qarz bhalā kyā degā koī bhiik bhī milnī mushkil hai

nādāroñ kī is bastī meñ kis se jā ke savāl kareñ

har ik dard ko apnā jāneñ har ik ġham ko apnā.eñ

ḳhvāh kisī kī daulat-e-ġham ho dil ko mālāmāl kareñ

be-hunarī ko hunar kare ye ahl-e-hunar kā dushman hai

charḳh-e-kaj-raftār hai āḳhir 'tābish' ham bhī ḳhayāl kareñ

dhumen machaen sabza raunden phulon ko pamal karen

josh-e-junun ka ye aalam hai ab kya apna haal karen

dasht-e-jaan mein ek KHushi ki lahr kahan tak dauDegi

wasl ke ek ek lamhe ko hum kyun kar mah o sal karen

jaan se baDh kar dil hai pyara dil se ziyaada jaan aziz

dard-e-mohabbat ka ek tohfa kis kis ko irsal karen

nang-e-karam hai soz-e-alam se ahl-e-dil ki mahrumi

dard-e-ishq mata-e-jaan hai sahib kuchh to KHayal karen

mausam badle phir bhi hai aashob-e-visal-o-hijr wahi

haal zamane ka jab ye ho kya mazi kya haal karen

ruh ki ek ek choT ubhaaren dil ka ek ek zaKHm dikhaen

hum se ho to numayan kya kya apne KHadd-o-KHal karen

qarz bhala kya dega koi bhik bhi milni mushkil hai

nadaron ki is basti mein kis se ja ke sawal karen

har ek dard ko apna jaanen har ek gham ko apnaen

KHwah kisi ki daulat-e-gham ho dil ko malamal karen

be-hunari ko hunar kare ye ahl-e-hunar ka dushman hai

charKH-e-kaj-raftar hai aaKHir 'tabish' hum bhi KHayal karen