didani ab safar-e-zist ka manzar hoga

dīdanī ab safar-e-zīst kā manzar hogā

jis ne luuTā sar-e-bāzār vo rahbar hogā

hāl-e-dil kah ke hue aur giraftār-e-alam

ham na kahte the ki yuuñ dard fuzūñ-tar hogā

jīte-jī ham se kabhī harf-e-vafā kah Daalo

phir ye hogā bhī jo ehsān to kis par hogā

tū mirī jur.at-e-guftār pe hairāñ kyuuñ hai

ye tamāshā tirī sarkār meñ aksar hogā

un kī āñkhoñ meñ chamakte hue taare dekhe

ab to nāseh bhī pashemān barābar hogā

ham bhī ab 'arsh' nayā bāb-e-vafā kholeñge

shahpar-e-shauq mah-o-mehr kā ham-sar hogā

didani ab safar-e-zist ka manzar hoga

jis ne luTa sar-e-bazar wo rahbar hoga

haal-e-dil kah ke hue aur giraftar-e-alam

hum na kahte the ki yun dard fuzun-tar hoga

jite-ji hum se kabhi harf-e-wafa kah Dalo

phir ye hoga bhi jo ehsan to kis par hoga

tu meri jurat-e-guftar pe hairan kyun hai

ye tamasha teri sarkar mein aksar hoga

un ki aankhon mein chamakte hue tare dekhe

ab to naseh bhi pasheman barabar hoga

hum bhi ab 'arsh' naya bab-e-wafa kholenge

shahpar-e-shauq mah-o-mehr ka ham-sar hoga