aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

diwana hun mujhe na tasahul se bandhiye

Joshish Azimabadi

diwana hun mujhe na tasahul se bandhiye

Joshish Azimabadi

MORE BYJoshish Azimabadi

    dīvāna huuñ mujhe na tasāhul se bāñdhiye

    hāthoñ ko ḳhuub rishta-e-kākul se bāñdhiye

    ahl-e-chaman ko itnā pareshāñ na kījiye

    bikhre hue ye baal haiñ sumbul se bāñdhiye

    hargiz na hojiye kas-o-nā-kas se multajī

    is ġham-kade meñ dhyān tavakkul se bāñdhiye

    ye ḳhuub jāntā huuñ kasī ko karoge qatl

    ḳhanjar kamar meñ aap tajāhul se bāñdhiye

    is gulshan-e-jahān meñ bad-ahd haiñ sabhī

    bulbul yahāñ na ahd kisī gul se bāñdhiye

    ahvāl ek hai dil-e-vahshat-sarisht

    juz se bāñdhiye ise kul se bāñdhiye

    'joshish' is tarah zamīnoñ meñ yaad rakh

    mazmūñ jo bāñdhiye so ta.ammul se bāñdhiye

    diwana hun mujhe na tasahul se bandhiye

    hathon ko KHub rishta-e-kakul se bandhiye

    ahl-e-chaman ko itna pareshan na kijiye

    bikhre hue ye baal hain sumbul se bandhiye

    hargiz na hojiye kas-o-na-kas se multaji

    is gham-kade mein dhyan tawakkul se bandhiye

    ye KHub jaanta hun kasi ko karoge qatl

    KHanjar kamar mein aap tajahul se bandhiye

    is gulshan-e-jahan mein bad-ahd hain sabhi

    bulbul yahan na ahd kisi gul se bandhiye

    ahwal ek hai dil-e-wahshat-sarisht ka

    ya juz se bandhiye ise ya kul se bandhiye

    'joshish' tu is tarah ki zaminon mein yaad rakh

    mazmun jo bandhiye so tammul se bandhiye

    Source:

    Deewan-e-Joshish(Rekhta Website) (Pg. 379)

      • Edition: 1976
      • Publisher: Bihar Urdu Academy, Patna
      • Year of Publication: 1976
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now