dikha kar aaine mein apna chehra kho gae hain

Khwaja Razi Haidar

dikha kar aaine mein apna chehra kho gae hain

Khwaja Razi Haidar

MORE BY Khwaja Razi Haidar

    dikhā kar aa.ine meñ apnā chehra kho ga.e haiñ

    ye duniyā bhī tamāshā thī tamāshā ho ga.e haiñ

    musāfir haiñ safar meñ būd-o-bāsh apnī yahī hai

    jahāñ par koī saaya mil gayā hai so ga.e haiñ

    ba-zāhir ek sahrā haiñ magar aisā nahīñ hai

    hamārī ḳhaak ko kitne dariyā ro ga.e haiñ

    vo mausam aur manzar jin se ham tum ḳhush-nazar the

    vo mausam aur manzar darmiyāñ se kho ga.e haiñ

    qadam āhista rakkho kah rahe haiñ ḳhushk patte

    daraḳhtoñ par thake-hāre parinde so ga.e haiñ

    nahīñ ehsās tum ko rā.egānī hamārī

    suhulat se tumheñ shāyad mayassar ho ga.e haiñ

    rifāqat meñ ye kaisā sāneha guzrā hai ham par

    badan bedār haiñ lekin muqaddar so ga.e haiñ

    kabhī sairāb jo lamhe kiye the ḳhūn-e-dil se

    vahī lamhe 'razī' āñkhoñ meñ kāñTe bo ga.e haiñ

    dikha kar aaine mein apna chehra kho gae hain

    ye duniya bhi tamasha thi tamasha ho gae hain

    musafir hain safar mein bud-o-bash apni yahi hai

    jahan par koi saya mil gaya hai so gae hain

    ba-zahir ek sahra hain magar aisa nahin hai

    hamari KHak ko kitne hi dariya ro gae hain

    wo mausam aur manzar jin se hum tum KHush-nazar the

    wo mausam aur manzar darmiyan se kho gae hain

    qadam aahista rakkho kah rahe hain KHushk patte

    daraKHton par thake-haare parinde so gae hain

    nahin ehsas tum ko raegani ka hamari

    suhulat se tumhein shayad mayassar ho gae hain

    rifaqat mein ye kaisa saneha guzra hai hum par

    badan bedar hain lekin muqaddar so gae hain

    kabhi sairab jo lamhe kiye the KHun-e-dil se

    wahi lamhe 'razi' aankhon mein kanTe bo gae hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites