aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil-e-mahjur ko taskin ka saman na mila

Akhtar Shirani

dil-e-mahjur ko taskin ka saman na mila

Akhtar Shirani

MORE BYAkhtar Shirani

    dil-e-mahjūr ko taskīn sāmāñ na milā

    shahr-e-jānāñ meñ hameñ maskan-e-jānāñ na milā

    kūcha-gardī meñ kaTīñ shauq kitnī rāteñ

    phir bhī us sham-e-tamannā shabistāñ na milā

    pūchhte manzil-e-salmā ḳhabar ham jis se

    vādī-e-najd meñ aisā koī insāñ na milā

    yuuñ to har rāhguzar par the sitāre raqsāñ

    jis hasrat thī magar vo mah-e-tābāñ na milā

    lāla-o-gul the bahut aam chaman meñ lekin

    DhūñDte the jise vo sarv-e-ḳhirāmāñ na milā

    jis ke pardoñ se machaltī ho vahī nik.hat-e-shauq

    be-ḳhudī qasam aisā koī aivāñ na milā

    baḳht-e-be-dār kahāñ jalva-e-dil-dār kahāñ

    ḳhvāb meñ bhī hameñ vo ġhuncha-e-ḳhandāñ na milā

    bekasī tishna-labī dard-e-halāvat-talabī

    chāñdnī-rāt meñ bhī chashma-e-haivāñ na milā

    yuuñ to har dar pe kahte nazar aa.e dāman

    khīñchte naaz se jis ko vahī dāmāñ na milā

    kis ke dar par na kiye sajde nigāhoñ ne magar

    haa.e taqdīr vo ġhārat-gar-e-īmāñ na milā

    kaun se baam ko rah rah ke na dekhā lekin

    nigah-e-shauq ko vo māh-e-ḳhirāmāñ na milā

    dar-e-jānāñ pe fidā karte dil-o-jāñ 'aḳhtar'

    vaa.e bar-hāl-e-dil-o-jāñ dar-e-jānāñ na milā

    dil-e-mahjur ko taskin ka saman na mila

    shahr-e-jaanan mein hamein maskan-e-jaanan na mila

    kucha-gardi mein kaTin shauq ki kitni raaten

    phir bhi us sham-e-tamanna ka shabistan na mila

    puchhte manzil-e-salma ki KHabar hum jis se

    wadi-e-najd mein aisa koi insan na mila

    yun to har rahguzar par the sitare raqsan

    jis ki hasrat thi magar wo mah-e-taban na mila

    lala-o-gul the bahut aam chaman mein lekin

    DhunDte the jise wo sarw-e-KHiraman na mila

    jis ke pardon se machalti ho wahi nikhat-e-shauq

    be-KHudi ki qasam aisa koi aiwan na mila

    baKHt-e-be-dar kahan jalwa-e-dil-dar kahan

    KHwab mein bhi hamein wo ghuncha-e-KHandan na mila

    bekasi tishna-labi dard-e-halawat-talabi

    chandni-raat mein bhi chashma-e-haiwan na mila

    yun to har dar pe hi kahte nazar aae daman

    khinchte naz se jis ko wahi daman na mila

    kis ke dar par na kiye sajde nigahon ne magar

    hae taqdir wo ghaarat-gar-e-iman na mila

    kaun se baam ko rah rah ke na dekha lekin

    nigah-e-shauq ko wo mah-e-KHiraman na mila

    dar-e-jaanan pe fida karte dil-o-jaan 'aKHtar'

    wae bar-haal-e-dil-o-jaan dar-e-jaanan na mila

    Source:

    Kulliyat-e-Akhtar Shirani (Pg. 212)

    • Author: Akhtar Shirani
      • Edition: 1997
      • Publisher: Modern Publishing House, Daryaganj New delhi
      • Year of Publication: 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now