aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil hamara hai ki hum mail-e-fariyaad nahin

Mirza Mohammad Hadi Aziz Lakhnavi

dil hamara hai ki hum mail-e-fariyaad nahin

Mirza Mohammad Hadi Aziz Lakhnavi

MORE BYMirza Mohammad Hadi Aziz Lakhnavi

    dil hamārā hai ki ham mā.il-e-fariyād nahīñ

    varna kyā zulm nahīñ kaun bedād nahīñ

    husn ik shān-e-ilāhī hai magar ai be-mehr

    bevafā.ī to koī husn-e-ḳhudā-dād nahīñ

    sar-e-turbat vo ḳhamoshī pe mirī kahte haiñ

    marne vaale tujhe paimān-e-vafā yaad nahīñ

    husn-e-ārāsta qudrat atiyya hai magar

    kyā mirā ishq-e-jigar-soz ḳhudā-dād nahīñ

    laakh pāband-e-alā.eq na rahe koī yahāñ

    tab-e-vārasta magar fikr se āzād nahīñ

    bāham ā.īn-e-vafā rasm-e-mohabbat kaisī

    vaqt ab vo hai ki bandoñ ko ḳhudā yaad nahīñ

    chashm-e-maḳhmūr vo hai kābil-e-ġharq-e-mai-e-nāb

    daftar-e-ishq pe jab tak ki mire saad nahīñ

    pūchhte kyā ho tabāhī fasāna mujh se

    dil-e-barbād sūrat bhī mujhe yaad nahīñ

    zarre zarre meñ hai ik ālam-e-ma.anī pinhāñ

    ḳhāk-e-barbād ko samjhe ho ki ābād nahīñ

    aap kahte haiñ ki hai gor-e-ġharībāñ vīrāñ

    aisī bastī to jahāñ meñ koī ābād nahīñ

    āñsuoñ ko bhī zarā dekh le rone vaale

    in sitāroñ meñ to duniyā koī ābād nahīñ

    husn-e-ḳhud maiñ ne kiye aa.ine ke sau TukḌe

    ab na kahnā ki nigāheñ sitam-ījād nahīñ

    kab ḳhayālāt pe mumkin hai kisī pahra

    dil to āzād rahā maiñ agar āzād nahīñ

    sīna-kāvī ke liye shart hai dil himmat

    nāḳhun-e-dast-e-junūñ tesha-e-farhād nahīñ

    be-ḳhudī manzil-e-irfāñ hai zarā hosh meñ aa

    hai ḳhudī ye natīja ki ḳhudā yaad nahīñ

    tabqa-e-ḳhāk meñ hai ālam-e-ḳhāosh-ābād

    jis ko barbād samajhte ho vo barbād nahīñ

    dil-e-vīrāñ tabāhī koī had hai 'azīz'

    maiñ samajhtā huuñ ki duniyā abhī ābād nahīñ

    dil hamara hai ki hum mail-e-fariyaad nahin

    warna kya zulm nahin kaun si bedad nahin

    husn ek shan-e-ilahi hai magar ai be-mehr

    bewafai to koi husn-e-KHuda-dad nahin

    sar-e-turbat wo KHamoshi pe meri kahte hain

    marne wale tujhe paiman-e-wafa yaad nahin

    husn-e-arasta qudrat ka atiyya hai magar

    kya mera ishq-e-jigar-soz KHuda-dad nahin

    lakh paband-e-alaeq na rahe koi yahan

    tab-e-warasta magar fikr se aazad nahin

    baham aain-e-wafa rasm-e-mohabbat kaisi

    waqt ab wo hai ki bandon ko KHuda yaad nahin

    chashm-e-maKHmur wo hai kabil-e-gharq-e-mai-e-nab

    daftar-e-ishq pe jab tak ki mere sad nahin

    puchhte kya ho tabahi ka fasana mujh se

    dil-e-barbaad ki surat bhi mujhe yaad nahin

    zarre zarre mein hai ek aalam-e-mani pinhan

    KHak-e-barbaad ko samjhe ho ki aabaad nahin

    aap kahte hain ki hai gor-e-ghariban viran

    aisi basti to jahan mein koi aabaad nahin

    aansuon ko bhi zara dekh le rone wale

    in sitaron mein to duniya koi aabaad nahin

    husn-e-KHud main ne kiye aaine ke sau TukDe

    ab na kahna ki nigahen sitam-ijad nahin

    kab KHayalat pe mumkin hai kisi ka pahra

    dil to aazad raha main agar aazad nahin

    sina-kawi ke liye shart hai dil ki himmat

    naKHun-e-dast-e-junun tesha-e-farhad nahin

    be-KHudi manzil-e-irfan hai zara hosh mein aa

    hai KHudi ka ye natija ki KHuda yaad nahin

    tabqa-e-KHak mein hai aalam-e-KHaosh-abaad

    jis ko barbaad samajhte ho wo barbaad nahin

    dil-e-viran ki tabahi ki koi had hai 'aziz'

    main samajhta hun ki duniya abhi aabaad nahin

    Source:

    Anjum Kada (Pg. 114)

    • Author: Mirza Mohammad Hadi Aziz Lakhnavi
      • Edition: 1956
      • Publisher: Anjuman Taraqqi Urdu (Hind), Aligarh
      • Year of Publication: 1956
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now