dil hosh se begana begane ko kya kahiye

dil hosh se begāna begāne ko kyā kahiye

chup rahnā hī behtar hai dīvāne ko kyā kahiye

kuchh bhī to nahīñ dekhā aur kuuch kī tayyārī

yuuñ aane se kyā hāsil yuuñ jaane ko kyā kahiye

majbūr haiñ sab apnī uftād tabī.at se

ho sham.a se kyā shikva parvāne ko kyā kahiye

tujh se hī marāsim haiñ tujh se hī gilā hogā

begāne se kyā lenā begāne ko kyā kahiye

maanā ki 'vasī'-shāh se tum ko haiñ bahut shikve

dīvāna hai dīvāna dīvāne ko kyā kahiye

dil hosh se begana begane ko kya kahiye

chup rahna hi behtar hai diwane ko kya kahiye

kuchh bhi to nahin dekha aur kuch ki tayyari

yun aane se kya hasil yun jaane ko kya kahiye

majbur hain sab apni uftad tabiat se

ho shama se kya shikwa parwane ko kya kahiye

tujh se hi marasim hain tujh se hi gila hoga

begane se kya lena begane ko kya kahiye

mana ki 'wasi'-shah se tum ko hain bahut shikwe

diwana hai diwana diwane ko kya kahiye