dil jal raha tha gham se magar naghma-gar raha

dil jal rahā thā ġham se magar naġhma-gar rahā

jab tak rahā maiñ saath mire ye hunar rahā

sub.h-e-safar kī raat thī taare the aur havā

saayā sā ek der talak baam par rahā

merī sadā havā meñ bahut duur tak ga.ī

par maiñ bulā rahā thā jise be-ḳhabar rahā

guzrī hai kyā maze se ḳhayāloñ meñ zindagī

duurī kā ye tilism baḌā kārgar rahā

ḳhauf āsmāñ ke saath thā sar par jhukā huā

koī hai bhī yā nahīñ hai yahī dil meñ Dar rahā

us āḳhirī nazar meñ ajab dard thā 'munīr'

jaane kā us ke rañj mujhe umr bhar rahā

dil jal raha tha gham se magar naghma-gar raha

jab tak raha main sath mere ye hunar raha

subh-e-safar ki raat thi tare the aur hawa

saya sa ek der talak baam par raha

meri sada hawa mein bahut dur tak gai

par main bula raha tha jise be-KHabar raha

guzri hai kya maze se KHayalon mein zindagi

duri ka ye tilism baDa kargar raha

KHauf aasman ke sath tha sar par jhuka hua

koi hai bhi ya nahin hai yahi dil mein Dar raha

us aaKHiri nazar mein ajab dard tha 'munir'

jaane ka us ke ranj mujhe umr bhar raha