aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil jhuka mail tabiat ho gai

Ahsan Marahravi

dil jhuka mail tabiat ho gai

Ahsan Marahravi

MORE BYAhsan Marahravi

    dil jhukā maa.il tabī.at ho ga.ī

    aaj bismillāh ulfat ho ga.ī

    mahv dil se sab shikāyat ho ga.ī

    sāmne jab un sūrat ho ga.ī

    merā hāl-e-zār to dekhā magar

    ye na pūchhā kyuuñ ye hālat ho ga.ī

    vo fareb-e-nāz de kar le ga.e

    kitnī arzāñ dil qīmat ho ga.ī

    dil meñ jab tak aah thī ik baat thī

    lab tak aate hikāyat ho ga.ī

    jab na Daalā us ne aa kar koī phuul

    gul hamārī sham-e-turbat ho ga.ī

    fitna-sāzī tak jo thī mashq ḳhirām

    rafta rafta vo qayāmat ho ga.ī

    kaisī matlab-āshnā thī chashm-e-shoḳh

    dil uḌāyā aur champat ho ga.ī

    chashm pur nam ne kiyā ifshā raaz

    ābrū-e-zabt ġhārat ho ga.ī

    dil chāloñ natīja ye huā

    vaqt se pahle qayāmat ho ga.ī

    de diyā dil jis ko ham ne de diyā

    ho ga.ī jis se mohabbat ho ga.ī

    kah ga.e 'ahsan' ke muñh par aaj vo

    terī sūrat se bhī nafrat ho ga.ī

    dil jhuka mail tabiat ho gai

    aaj bismillah ulfat ho gai

    mahw dil se sab shikayat ho gai

    samne jab un ki surat ho gai

    mera haal-e-zar to dekha magar

    ye na puchha kyun ye haalat ho gai

    wo fareb-e-naz de kar le gae

    kitni arzan dil ki qimat ho gai

    dil mein jab tak aah thi ek baat thi

    lab tak aate hi hikayat ho gai

    jab na Dala us ne aa kar koi phul

    gul hamari sham-e-turbat ho gai

    fitna-sazi tak jo thi mashq KHiram

    rafta rafta wo qayamat ho gai

    kaisi matlab-ashna thi chashm-e-shoKH

    dil uDaya aur champat ho gai

    chashm pur nam ne kiya ifsha raaz

    aabru-e-zabt ghaarat ho gai

    dil ki chaalon ka natija ye hua

    waqt se pahle qayamat ho gai

    de diya dil jis ko hum ne de diya

    ho gai jis se mohabbat ho gai

    kah gae 'ahsan' ke munh par aaj wo

    teri surat se bhi nafrat ho gai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now