dil ka aur haal mazafat ka kab achchha hai

dil kā aur haal mazāfāt kā kab achchhā hai

par tujhe dekh ke lagtā hai ki sab achchhā hai

ek tasvīr meñ lagtā hai ki ham bhī ḳhush the

ek āvāz se lagtā hai ki sab achchhā hai

merī duniyā meñ koī chiiz Thikāne pe nahīñ

bas tujhe dekh ke lagtā hai ki sab achchhā hai

sochne baiTheñ to islāh kī sūrat hī nahīñ

dekhne meñ yahī lagtā hai ki sab achchhā hai

ye qatāreñ tere bīmār ke dīdār kī haiñ

tū ne jab shor machā rakhā thā ab achchhā hai

koī ustād kī islāh kī sūrat yā-rab

ilm behtar hai na hazrat kā adab achchhā hai

logoñ ko ā.īna dikhlā.eñ na patthar khā.eñ

archimedes ke liye bath kā tub achchhā hai

dil ka aur haal mazafat ka kab achchha hai

par tujhe dekh ke lagta hai ki sab achchha hai

ek taswir mein lagta hai ki hum bhi KHush the

ek aawaz se lagta hai ki sab achchha hai

meri duniya mein koi chiz Thikane pe nahin

bas tujhe dekh ke lagta hai ki sab achchha hai

sochne baiThen to islah ki surat hi nahin

dekhne mein yahi lagta hai ki sab achchha hai

ye qataren tere bimar ke didar ki hain

tu ne jab shor macha rakha tha ab achchha hai

koi ustad ki islah ki surat ya-rab

ilm behtar hai na hazrat ka adab achchha hai

logon ko aaina dikhlaen na patthar khaen

archimedes ke liye bath ka tub achchha hai