dil ki aaraish-e-alam ka tamasha dekhe

dil ki ārā.ish-e-ālam kā tamāshā dekhe

gar kabhī ḳhud pe nazar jaa.e to sahrā dekhe

aañkh vo aañkh jo har qatre meñ dariyā dekhe

tū magar sāmne aa jaa.e to phir kyā dekhe

ḳhvāb meñ ho to ye dil dekhe tirī diid ke ḳhvāb

ḳhvāb se jaage to ik ḳhvāb sī duniyā dekhe

jo samajhtā hai ki khul jaatā hai fariyād se baḳht

sū-e-aflāk kabhī haath vo phailā dekhe

ibtilā meñ haiñ sabhī rāh-rav-e-manzil-e-shauq

kis ko fursat ki mire paañv kā kāñTā dekhe

'arsh' agar lafz-o-ma.ānī ke ho tum paiġhambar

ek tasvīr banā jaao ki duniyā dekhe

dil ki aaraish-e-alam ka tamasha dekhe

gar kabhi KHud pe nazar jae to sahra dekhe

aankh wo aankh jo har qatre mein dariya dekhe

tu magar samne aa jae to phir kya dekhe

KHwab mein ho to ye dil dekhe teri did ke KHwab

KHwab se jage to ek KHwab si duniya dekhe

jo samajhta hai ki khul jata hai fariyaad se baKHt

su-e-aflak kabhi hath wo phaila dekhe

ibtila mein hain sabhi rah-raw-e-manzil-e-shauq

kis ko fursat ki mere panw ka kanTa dekhe

'arsh' agar lafz-o-maani ke ho tum paighambar

ek taswir bana jao ki duniya dekhe