دل کی یاد دہانی سے
دل کی یاد دہانی سے
آنکھ کھلی حیرانی سے
رنگ ہیں سارے مٹی کے
بے رنگے اس پانی سے
حرف نگاری سیکھی ہے
کمرے کی ویرانی سے
پیڑ اجڑتے جاتے ہیں
شاخوں کی نادانی سے
داغ گریہ آنکھوں کا
کب دھلتا ہے پانی سے
ہار دیا ہے عجلت میں
خود کو کس آسانی سے
خوف آتا ہے آنکھوں کو
بھید بھری عریانی سے
روز پسینہ بہتا ہے
آنکھوں کی پیشانی سے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
