dil ko ye iztirar kaisa hai
dil ko ye iztirār kaisā hai
dekhiyo be-qarār kaisā hai
ek bosa bhī de nahīñ saktā
mujh ko pyāre tū yaar kaisā hai
kushta-e-teġh-e-nāz kyā jaane
ḳhanjar-e-ābdār kaisā hai
har ghaḌī gāliyāñ hī dete ho
jaan merī ye pyaar kaisā hai
mai nahīñ pī to kyuuñ chhupāte ho
añkhḌiyoñ meñ ḳhumār kaisā hai
aur to haiñ hī ye to kah baare
'mus.hafī' dost-dār kaisā hai
dil ko ye iztirar kaisa hai
dekhiyo be-qarar kaisa hai
ek bosa bhi de nahin sakta
mujh ko pyare tu yar kaisa hai
kushta-e-tegh-e-naz kya jaane
KHanjar-e-abdar kaisa hai
har ghaDi galiyan hi dete ho
jaan meri ye pyar kaisa hai
mai nahin pi to kyun chhupate ho
ankhDiyon mein KHumar kaisa hai
aur to hain hi ye to kah bare
'mushafi' dost-dar kaisa hai
Source:
kulliyat-e-mas.hafii(awwa) (Pg. 391)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
