دل میں کیا تھا جو کھو گیا ہے کہیں
دل میں کیا تھا جو کھو گیا ہے کہیں
میرا نقصان ہو گیا ہے کہیں
وہ تری کھوج میں رہا اور پھر
غالباً تجھ کو رو گیا ہے کہیں
رنگ وہ لے گیا مگر مجھ میں
اپنی خوشبو سمو گیا ہے کہیں
تیری آواز بھی نہیں سنتا
کیا مرا بخت سو گیا ہے کہیں
ہم رہ صد ملال ہے وہ کبھی
اور ہر رنج دھو گیا ہے کہیں
یوں تہی دست و دل گرفتہ نہ تھا
کچھ نہ کچھ مجھ کو ہو گیا ہے کہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
